უკრაინის პრეზიდენტი, ვოლოდიმირ ზელენსკი დონეცკში ჩავიდა და უკრაინის შეარაღებულ ძალებს პროფესიული დღე ფრონტის ხაზიდან მიულოცა. 

პრეზიდენტმა ვიდეომიმართვა ქალაქ სლავიანსკიდან გაავრცელა და აღნიშნა, რომ "ვიღაცამ საკუთარ თავს "მსოფლიოს მეორე არმია" უწოდა, მაგრამ ყველას ხედავს, ვის აქვს პირველი ადგილი".

"ძვირფასო ოფიცრებო, სერჟანტებო, ჯარისკაცებო, ვეტერანებო, მთელი გულით, უკრაინის სახელით, გილოცავთ დიდ დღესასწაულს - უკრაინის შეიარაღებული ძალების დღეს! ქედს ვიხრით ჩვენი ჯარისკაცების წინაშე. არასდროს ვივიწყებთ ჩვენს დაღუპულ გმირებს, რომლებმაც უკრაინისთვის ბრძოლაში სიცოცხლე გასწირეს. ძვირფასო ჯარისკაცებო და მცველებო, უკვე სამი ათწლეული, 9 წელი, 9 თვე და 285-ე დღეა, მშობლიურ მიწას იცავთ. ტრადიციულად, მე აღვნიშნავ ამ დღეს ფრონტის ხაზზე ჩვენს მებრძოლებთან ერთად. დღეს ჩვენ დონბასში ვართ. დღეს ყველა ხედავს, რა შეუძლიათ ჩვენს ჯარისკაცებს. ყველა ხედავს, როგორ ებრძვიან ისინი მსოფლიოს სიდიდით მეორე არმიას. დიდი მადლობა თქვენს მშობლებს, რომ გმირებად და ღირსეულ ადამიანებად გაგზარდეს. მთელი უკრაინა თქვენს სახლებში დაბრუნებას ელოდება. ჩვენს გამარჯვებას უკრაინის დედაქალაქში, "მაიდანზე" დაცული ცის ქვეშ, მშვიდობიან გარემოში ერთად შევხვდებით. "მაიდანზე" ჩვენი შეხვედრის გზა კი, ოკუპირებული ტერიტორიების დეოკუპაციაზე გადის. დიდი მადლობა იმისთვის, რაც გააკეთეთ, რასაც აკეთებთ და რასაც გააკეთებთ. ჩვენ გავიმარჯვებთ! ცოცხლები დაგვიბრუნდით!" - განაცხადა ზელენსკიმ.

ავტორი: ექსპრესნიუსი,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს