საქართველო პრეზიდენტების სასაკლაოდ არ უნდა გადაიქცეს, - ამის შესახებ "ერთიანი ნაციონალური მოძრაობის" წევრმა, ლევან ხაბეიშვილმა მთავრობის ადმინისტრაციასთან საქართველოს მესამე პრეზიდენტის, მიხეილ სააკაშვილის მხარდამჭერ აქციაზე განაცხადა.

როგორც ხაბეიშვილმა თქვა, ხელისუფლებამ სააკაშვილს მესამე ქვეყანაში მკურნალობის შესაძლებლობა უნდა  მისცეს.

"ჩვენ ვხედავთ, რომ პრეზიდენტ სააკაშვილს წამებით კლავენ ციხეში და მათ შორის, ევროპული რეზოლუციები საუბრობს ამაზე, რომ სააკაშვილის გადაყვანა არის მნიშვნელოვანი მესამე ქვეყანაში. აქ არც და ვერც მკურნალობენ. ჩვენ ვნახეთ, რომ მის სისხლში აღმოჩენილია მომწამვლელი ნივთიერება. პირდაპირ ხელისუფლების პასუხისმგებლობაა. ეს არ არის ვიწროპარტიული საქმე, ეს არის ჩვენი ქვეყნისთვის უმნიშვნელოვანესი საკითხი. პრეზიდენტების სასაკლაოდ არ უნდა გადავაქციოთ ჩვენი ქვეყანა. დღეს, აქ შეკრებილი ადამიანები, მათ შორის, პოლიტიკოსები, ექიმები, საზოგადოებისთვის ცნობილი ადამიანები რას ითხოვენ? - რომ პრეზიდენტი არ მოკლას ხელისუფლებამ და მისცეს შესაძლებლობა, რომ მესამე ქვეყანაში მოხდეს მისი მკურნალობა. ამ საკითხის პოლიტიზებაზე უფრო მნიშვნელოვანია, რომ ხელისუფლებამ გამოიჩინოს გონიერება და მისცეს პრეზიდენტ სააკაშვილს მკურნალობის, ჯანმრთელობისა და სიცოცხლის შესაძლებლობა. თუ ამას არ აკეთებს ხელისუფლება, მაშინ საზოგადოება სხვაგვარად იქცევა", - განაცხადა ხაბეიშვილმა "მთავარ არხთან" საუბრისას.

ცნობისთვის, თბილისში, მთავრობის ადმინისტრაციასთან მიხეილ სააკაშვილის უცხოეთში სამკურნალოდ გადაყვანისა და გათავისუფლების მოთხოვნით აქცია იმართება.

პრეზიდენტის ადვოკატმა, ვალერი გელბახიანმა გუშინ, 19 ნოემბერს განაცხადა, რომ "მიხეილ სააკაშვილი მოწამლულია, სხვაგვარად ასე არ განვითარდებოდა არც ერთი დაავადება".

ადვოკატის მიერ გაჟღერებულ ინფორმაციას დღეს სპეციალური პენიტენციური სამსახური გამოეხმაურა.

უწყებამ გავრცელებულ განცხადებაში აღნიშნა, რომ "მსჯავრდებულ მიხეილ სააკაშვილის ადვოკატის მიერ მისი დაცვის ქვეშ მყოფი პირის შესაძლო მოწამვლის შესახებ გავრცელებული ინფორმაციის უტყუარობის დამადასტურებელი ოფიციალური დასკვნა სპეციალური პენიტენციური სამსახურისთვის არავის მიუწოდებია".

ავტორი: ექსპრესნიუსი,

სოციალური ქსელები

ფიფა 2026 წლის მსოფლიო ჩემპიონატის ფინალის გადადებას ხანძრების გამო გამორიცხავს - Bloomberg

ზელენსკი სირსკის შემცვლელად მუშაობას განიხილავს - FT

უკრაინის გენერალურმა შტაბმა ნავთობის საცავის გარდა, ტანკერების და გემ „სვეტლიაკის“ დაბობვის შესახებ განაცხადა

ტაქსის ფასებით თურქეთი საქართველოს მეზობლებს შორის ლიდერობს, საქართველო კი მეორე ადგილზეა