საქართველოს ყოფილი პრეზიდენტის, მიხეილ სააკაშვილის ჯანმრთელობის მდგომარეობის გამოსაკვლევად უცხოეთიდან დამატებით სხვა ექსპერტები ჩაერთვებიან. 

ექსპრეზიდენტს კვლევას დისტანციურად ამერიკის შეერთებული შტატების ექსპერტი ჩაუტარებს, ხოლო ხვალ, 8 ნოემბერს საქართველოს ბრიტანეთიდან მოწვეული ფსიქიატრი კორნელიუს კატონა ეწვევა. 

"უცხოელმა ექიმებმა თავიანთი კვლევები გამოაგზავნეს, დადგინდა თავის ტვინთან დაკავშირებული საკმაოდ რთული დიაგნოზები.  ახალგაზრდა ადამიანია, დაპატიმრებამდე ეს დიაგნოზები არ ჭირდა, რამ გამოიწვია ეს ყველაფერი, შესაბამისად, ჩვენი მხრიდან მოძიებული იქნა ახალი ექსპერტი ამერიკის შეერთებული შტატებიდან, რომელსაც გადაეცა ეს მასალები, რათა დადგინდეს რატომ მივიდა სააკაშვილის მდგომარეობა ასეთ უკიდურესობამდე" ,- განაცხადა მიხეილ სააკაშვილის ადვოკატმა, შალვა ხაჭაპურიძემ. 

როგორც ცენტრ "ემპათიას" დირექტორმა, მარიამ ჯიშკარიანმა აღნიშნა, მიხეილ სააკაშვილის ჯანმრთელობის მდგომარეობა ძალიან მძიმეა.

"მიხეილ სააკაშვილის ჯანმრთელობის მდგომარეობა არის ძალიან მძიმე, ჩვენი ამერიკელი კოლეგების ინფორმაციით და ცენტრი "ემპათიას" ექსპერტები დიდი ხანია ამას ამბობენ. წამყვანი აქ არის ნევროლოგიური სიმპტომატიკა და აუცილებელია დამატებითი დიაგნოზისთვის მიხეილ სააკაშვილის გაყვანა საზღვარგარეთ",- ცენტრ "ემპათიას" დირექტორი, მარიამ ჯიშკარიანი

ავტორი: ექსპრესნიუსი,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”