2022-10-25 11:49:35, 1141 ნახვა
მსოფლიო
ოკუპირებულ მელიტოპოლში ZaTV-ის ოფისთან აფეთქება მოხდა
რუსეთის მიერ ოკუპირებულ ქალაქ მელიტოპოლში ZaTV-ის ოფისთან მანქანა აფეთქდა. რუსული პროპაგანდისტული მედიის "რია ნოვოსტის" ინფორმაციით, დაშავებულია 5 ადამიანი, მათ შორის მშვიდობიანი მოქალაქეები და კომპანიის თანამშრომლები.
„ამჟამად არსებული ინფორმაციის თანახმად, აფეთქდა თვითნაკეთი ასაფეთქებელი მოწყობილობა“, - განაცხადა ოკუპირებული ზაპოროჟიეს ადმინისტრაციის მთავარი საბჭოს წევრმა, ვლადიმერ როგოვმა.
მედიის ინფორმაციით, პროპაგანდისტული არხის შენობასთან ერთნახევარიდან ორ კილოგრამამდე ტროტილი აფეთქდა.
აფეთქების ტალღამ შენობის ფასადი და ფანჯრები დააზიანა. ადგილზე მობილიზებულია სასწრაფო დახმარება.
ავტორი: ექსპრესნიუსი,
epn.ge (@expressnews.ge)
