FSB იტყობინება, რომ "ნაწილობრივი" მობილიზაციის გამოცხადების შემდეგ, რუსეთი 261 000-მა კაცმა დატოვა. ამის შესახებ ინფორმაციას Новая газета Европа პრეზიდენტის ადმინისტრაციის წყაროზე დაყრდნობით ავრცელებს. 

გამოცემის ცნობით, რუსეთის პრეზიდენტის აპარატში ატმოსფერო ისეთია, რომ უსაფრთხოების ძალები და თავდაცვის სამინისტრო შეძლებენ დაარწმუნონ პუტინი, რომ "დახუროს ქვეყნის გასასვლელი, სანამ გვიან არ არის". 

მანამდე რუსული მედია წყაროებზე დაყრდნობით იტყობინება , რომ რუსეთის ხელისუფლება აპირებს სამხედრო ასაკის მამაკაცებისთვის საზღვრები 26 სექტემბრიდან ჩაკეტოს. 

დღეს ასევე ცნობილი გახდა, რომ ზოგიერთმა მოქალაქემ, რომელიც ექვემდებარება „ნაწილობრივი“ მობილიზაციის კრიტერიუმებს და ცდილობს რუსეთის დატოვებას, საზღვრებზე შეტყობინებების გაცემა დაიწყო, რომლის მიხედვითაც სამხედრო კომისარიატის გადაწყვეტილებით მათ გასვლა ეკრძალებათ. სულ მცირე ხუთი ასეთი შემთხვევა უკვე დაფიქსირდა.

შეგახსენებთ, რომ 21 სექტემბერს რუსეთის პრეზიდენტმა, ვლადიმერ პუტინმა ქვეყანაში ნაწილობრივი მობილიზაცია გამოაცხადა. 

მისი თქმით, რუსეთის ფედერაციაში ნაწილობრივი მობილიზაციის ფარგლებში გაწვევას მხოლოდ რეზერვი და სამხედრო გამოცდილების მქონე მოქალაქეები დაექვემდებარებიან. ნაწილებში გაგზავნამდე, სამხედრო სამსახურში გამოძახებულები, სპეციალური სამხედრო ოპერაციის გამოცდილების გათვალისწინებით, გაივლიან დამატებით სამხედრო მომზადებას.

ავტორი: ექსპრესნიუსი,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს