ვერტმფრენით მინდოდა რომ დამეტოვებინა საქართველოს საზღვრები აფხაზეთისა და რუსეთის მიმართულებით. ამისთვის მესაჭიროებოდა რუსეთის ფედერაციის დროშა და მას დავამაგრებდი ანკესის ჯოხზე, რომ დროშა საზღვრის გადაკვეთისას გამეშალა, - ამის შესახებ "საქართველოს ბანკის" ფილიალზე თავდასხმის საქმეზე დაკავებული გრიგოლ ნარსია სამართალდამცავი უწყებისთვის მიცემულ ჩვენებაში საუბრობს.

ჩვენებაში, რომელსაც "ტვ პირველი" აქვეყნებს, ნარსია თავდასხმის სხვა დეტალებსაც აღწერს და იმ ასაფეთქებელ მოწყობილობაზეც საუბრობს, რომელიც მან ბანკის შენობის შიდა სივრცეში დაამონტაჟა.  

"ჯიბიდან ამოვიღე ხელყუმბარა. მე ბანკში მყოფმა მომხმარებელმა გოგონამ მითხრა, რომ თან ახლდა ასაკოვანი ქალი და მთხოვეს, რომ გამეშვა. მეც დავთანხმდი და გავუშვი ისინი გარეთ. ბანკში მყოფი პირები ავიყვანე მძევლად. ამის შემდეგ, ბანკში შესასვლელი კარი დავკეტე, მასზე დავამაგრე ჩემ მიერ დამზადებული ასაფეთქებელი მოწყობილობის მაკეტი-მულიაჟი. ამის შემდეგ, ბანკის თანამშრომლებს ვთხოვე, რომ ჩემთვის ბანკში არსებული ფული მოეცათ. მათ რაღაც ფული იატაკზე დაყარეს. ბანკის თანამშრომელ გოგონას ვუთხარი, რომ თავის უფროსთან დაერეკა და ჩემთვის ფული მოეტანათ. იქ მყოფი ერთ-ერთი მძევალი ბიჭის მეშვეობით, ბანკის ხელმძღვანელს სატელეფონო საუბრისას ვთხოვე, რომ ჩემთვის მოეტანათ მძევლების გათავისფლების სანაცვლოდ 2 მილიონი ამერიკული დოლარი, რუსეთის ფედერაციის დროშა და ანკესის ჯოხი. აღნიშნული შინაარსის საუბარი რამდენჯერმე განხორციელდა. მე, ასევე, მოვითხოვე ავტომანქანა და ქუთაისის ძველ აეროდრომზე ვერტმფრენი. ვერტმფრენით მინდოდა, რომ დამეტოვებინა საქართველოს საზღვრები აფხაზეთისა და რუსეთის მიმართულებით. ამისთვის მესაჭიროებოდა რუსეთის ფედერაციის დროშა და მას დავამაგრებდი ანკესის ჯოხზე, რომ დროშა საზღვრის გადაკვეთისას გამეშალა", - ნათქვამია ნარსიას ჩვენებაში.

შეგახსენებთ, რომ 1985 წელს დაბადებული გრიგოლ ნარსია ქუთაისში, შოთა რუსთაველის გამზირზე მდებარე "საქართველოს ბანკის" ფილიალში ორშაბათს, 20 სექტემბერს შეიჭრა და დიდი ოდენობით თანხის დაუფლების მიზნით 14 პირი მძევლად აიყვანა. სამართალდამცავებმა მძევლები რამდენიმესაათიანი ტყვეობის შემდეგ გაათავისუფლეს, თავდამსხმელი კი, ბრალდებულის სახით ადგილზე დააკავეს.

მომხდარ ფაქტზე გამოძიება საქართველოს სისხლის სამართლის კოდექსის 236-ე, 323-ე და 329-ე მუხლებით მიმდინარეობს.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია