ბრიტანეთი 2023 წელს უკრაინის სამხედრო დახმარებას კიდევ უფრო გაზრდის,- ამის შესახებ ბრიტანეთის პრემიერ-მინისტრმა ლიზ ტრასმა, აშშ-ის პრეზიდენტ ჯო ბაიდენთან შეხვედრის შემდეგ განაცხადა.

ბრიტანული მედიის ცნობით, მოსალოდნელია, ტრასმა პირველი მოგზაურობის დროს, გაერო-ს გენერალურ ასამბლეაზე, უკრაინის კონტრშეტევის წარმატებაზე მიუთითოს, როგორც მტკიცებულება, რისი გაკეთება შეუძლია უკრაინელ ხალხს პარტნიორების მხარდაჭერით.

„ჩემი გზავნილი უკრაინელ ხალხს: დიდი ბრიტანეთი გააგრძელებს თქვენს მხარდაჭერას ყოველ ნაბიჯზე. თქვენი უსაფრთხოება ჩვენი უსაფრთხოებაა“,- განაცხადა ტრასმა.

შეკითხვაზე თუ რას ელოდება აშშ-ის პრეზიდენტთან შეხვედრისგან, ტრასმა განაცხადა: „ნომერ პირველი საკითხი გლობალური უსაფრთხოებაა: დავრწმუნდეთ, რომ ჩვენ შეგვიძლია, ერთობლივად გავუმკლავდეთ რუსულ აგრესიას და დავრწმუნდეთ, რომ უკრაინა გაიმარჯვებს, პუტინი კი - არა“.

შეგახსენებთ, რომ ბრიტანეთი უკრაინის „სამხედრო დონორია“, რომელმაც კიევს 2.3 მილიარდი ფუნტი, ასობით რაკეტა, საჰაერო თავდაცვის სისტემები და არალეტალური სამხედრო აღჭურვილობა გადასცა.

ავტორი: ექსპრესნიუსი,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს