2022-09-19 17:09:40, 1644 ნახვა
ომი უკრაინაში
უკრაინის ინფორმაციით, რუსეთის ტყვეობაში 50-მდე ქალია, მათგან ორი ორსულია
რუსეთის ტყვეობაში 50-მდე ქალია, რომლებმაც დატოვეს აზოვსტალი. - ამის შესახებ აზოვის პატრონაჟის სამსახურის უფროსმა, ელენა ტოლკაჩევმა განაცხადა.
მისივე თქმით, მათგან ორი ორსულია.
"იქ ორი ორსული გვყავს, ერთი აზოვიდან, მეორე ან მესაზღვრეა, ან საზღვაო ქვეითი - ზუსტად არ ვიცი. ერთი, რომელიც არ არის "აზოვიდან", მშობიარობას აპირებს. აზოვიდან ოთხი თვის ორსულია". - ნათქვამია განცხადებაში.
შეგახსენებთ, რომ ხანგრძლივი სამხედრო ძალის თავმოყრის შემდეგ, რუსეთის მიერ თვითგამოცხადებული დონეცკის სახალხო რესპუბლიკისა და ლუჰანსკის სახალხო რესპუბლიკის აღიარების შემდეგ, რუსეთმა დაარღვია საერთაშორისოდ აღიარებული უკრაინის სუვერენიტეტი და ომი გამოაცხადა. ომს დაწყებიდან დღევანდელ დღემდე არაერთი მოქალაქის სიცოცხლე შეეწირა.
ავტორი: ექსპრესნიუსი,
epn.ge (@expressnews.ge)
