28 ივლისს ცხვარიჭამიაში მოკლული 20 წლის მირიან კუკავას განზრახ მკვლელობის საქმეზე მცხეთის რაიონულმა სასამართლომ 8 დაკავებულიდან 5 პირი 10 000-ლარიანი გირაოს სანაცვლოდ გაათავისუფლა.

სასამართლო პროცესზე დაკავებულების მიმართ შეფარდებული აღკვეთის ღონისძიება - პატიმრობა გადაისინჯა და 3 პირის მიმართ ძალაში დარჩა.

ამასთან, მოსამართლის გადაწყვეტილებით სხდომათა დარბაზიდან გათავისუფლდა ჯგუფურ ხულიგნობაში ბრალდებული სამი და ცრუ ინფორმაციის მიწოდებასა და მძიმე დანაშაულის შეუტყობინებლობაში ეჭვმიტანილი ორი პირი.

შეგახსენებთ, ცხვარიჭამიაში სისხლიანი დაპირისპირება 28 ივლისს, წვეულებაზე მოხდა, სადაც 50-მდე ადამიანი იმყოფებოდა. დაპირისპირებისას 20 წლის მირიან კუკავას გულ-მკერდის არეში ჭრილობები მიაყენეს, რის შედეგადაც ის ადგილზე გარდაიცვალა. 

ფაქტზე გამოძიება სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს და 15 წლამდე ვადით თავისუფლების აღკვეთას ითვალისწინებს.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია