რუსეთმა გააუქმა, საბჭოთა რეჟიმის მიერ ოკუპირებული კურილის კუნძულების მონახულების გამარტივებული რეჟიმი იაპონიის მოქალაქეებისთვის, რომლებიც ადრე ცხოვრობდნენ ამ კუნძულებზე.
ამის შესახებ ნათქვამია მთავრობის განკარგულებაში, რომელიც გამოქვეყნდა სამართლებრივი აქტების ოფიციალურ ინტერნეტ პორტალზე.

შეთანხმება რუსეთსა და იაპონიას შორის კურილის მონახულების ხელშემწყობი რეჟიმის შესახებ 1999 წლიდან მოქმედებს.

უკრაინაში რუსეთის შეჭრის შემდეგ, იაპონია შეუერთდა დასავლეთის ქვეყნების სანქციებს რუსეთის ფედერაციის წინააღმდეგ და 19 წლის განმავლობაში პირველად უწოდა კურილის კუნძულებს „არალეგალურად ოკუპირებული“ ტერიტორიები.

მოსკოვი და ტოკიო გასული საუკუნის 50-იანი წლებიდან აწარმოებენ მოლაპარკებებს სამშვიდობო შეთანხმების მიღწევის მიზნით. მაგრამ მათ ამ დრომდე შეთანხებას ვერ მიაღწიეს კურილის სამხრეთ ნაწილთან დაკავშირებით.

მეორე მსოფლიო ომის დასრულების შემდეგ არქიპელაგი საბჭოთა კავშირმა მიითვისა, თუმცა იაპონია პრეტენზიას აცხადებს კურილის ქედის ოთხ სამხრეთ კუნძულზე - იტურუპზე, შიკოტანზე, კუნაშირსა და ჰაბომაიზე. მოსკოვი აცხადებს, რომ ამ ტერიტორიებზე რუსეთის სუვერენიტეტი შეესაბამება საერთაშორისო სამართალს.

ავტორი: ექსპრესნიუსი,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს