რუსეთის ვიცე-პრემიერმა მარატ ხუსნულინმა BBC-სთან ინტერვიუში ოკუპირებული  მარიუპოლის აღდგენის გეგმებზე ისაუბრა. 

მისი თქმით,აზოვსტალი ტექნოპარკად გადაკეთდება (რას ნიშნავს ეს, ვიცე-პრემიერმა არ დააკონკრეტა). ქალაქში ვლადიმერ პუტინის სახელობის ახალი პარკები შეიქმნება.

"რაც შეგვიძლია აღვადგინოთ, ყველაფერს აღვადგენთ. ყველაფერს, რასაც ვერ აღვადგენთ, ჩვენ ავაშენებთ.", - განაცხადა ვიცე-პრემიერმა.

ხუსნულინმა განმარტა, რომ თანხების გამოყოფა თვითგამოცხადებული DNR და LNR ტერიტორიების აღდგენისთვის  რუსეთის რეგიონების განვითარებაზე დანახარჯების შემცირების გარეშე განხორციელდება.

მარიუპოლის საკრებულოს ცნობით, ორთვიანი სასტიკი ბრძოლის შემდეგ, შენობების 90% განადგურდა, ოკუპირებულ ტერიტორიაზე დაახლოებით 150 ათასი ადამიანი დარჩა. ქალაქში ჯერ კიდევ არ არის ელექტროენერგია, წყალი და გაზი. ზოგიერთი ადამიანი კვლავ სარდაფებში ცხოვრობს და საკვებს ცეცხლზე ამზადებს.

ავტორი: ექსპრესნიუსი,

სოციალური ქსელები

ნაძალადევის გამგეობა: სკვერში მოზარდებმა ატრაქციონი დააზიანეს, დაშავდა 1 მოზარდი

ისწავლე საზღვარგარეთ საქართველოს ბანკის სტიპენდიით - მოსწავლეებისთვის შექმნილ საერთაშორისო პროგრამაზე მიღება მალე დაიწყება

CPJ: მოვუწოდებთ ოცნებას, შეწყვიტოს ფორმულას წინააღმდეგ სისხლის სამართლის საქმის გამოძიება

პროკურატურამ ფორმულას მიმართ აღძრულ საქმეზე გამოკითხვაზე დავით ქაშიაშვილი დაიბარა