2022-07-29 14:25:44, 987 ნახვა
საზოგადოება
კედიას ქუჩაზე სანიაღვრე ქსელი ეწყობა
დიდუბის რაიონის გამგეობამ კედიას ქუჩაზე სანიაღვრე ქსელის მოწყობის სამუშაოები დაიწყო.
პროექტის მიხედვით, სპირიდონ კედიას ქუჩის N10ა-დან აკაკი წერეთლის გამზირამდე 600 გრძივი მეტრი სანიაღვრე ქსელი ეწყობა და წერეთლის გამზირზე მთავარ კოლექტორზე დაერთდება. ამასთან, წერეთლის გამზირზე არსებულ და ამორტიზებულ ქსელს რეაბილიტაცია უტარდება და 600 დიამეტრის მქონე მილის ნაცვლად, 800-იანი მილი ეწყობა, რომელიც უკეთ უზრუნველყოფს წყლის ნაკადის მიღებას.
მიმდინარე პროცესს თბილისის მერის მოადგილე კახა გულედანი, დიდუბის რაიონის გამგებელ ვლადიმერ ძნელაძესთან და დედაქალაქის საკრებულოს დიდუბის მაჟორიტარ დეპუტატ გივი ჩხარტიშვილთან ერთად ადგილზე გაეცნო.
სანიაღვრე სისტემის მოწყობის პროექტს შპს „პიკო“ ახორციელებს. სამუშაოების ღირებულება 187 570 ლარს შეადგენს.
ავტორი: NS (სტატია დაფინანსებულია),
epn.ge (@expressnews.ge)
