2022-05-27 21:20:35, 1541 ნახვა
ომი უკრაინაში
იტალიის პრემიერ-მინისტრსა და უკრაინის პრეზიდენტს შორის სატელეფონო საუბარი შედგა
სასურსათო კრიზისის დასაძლევად რუსეთის მიერ უკრაინული პორტების განბლოკვა აუცილებელია. - განაცხადა იტალიის მთავრობამ.
მათივე თქმით, იტალიის პრემიერმინისტრმა მარიო დრაგიმ და უკრაინის პრეზიდენტმა ვლადიმირ ზელენსკიმ სწორედ აღნიშნული თემის გარშემო ისაუბრეს.
"სატელეფონო საუბრისას ყურადღება გამახვილდა უკრაინაში განვითარებულ უკანასკნელ მოვლენებზე, განსაკუთრებით ქვეყნის აღმოსავლეთ რეგიონზე". - ნათქვამია განცხადებაში.
შეგახსენებთ, რომ ხანგრძლივი სამხედრო ძალის თავმოყრის შემდეგ, რუსეთის მიერ თვითგამოცხადებული დონეცკის სახალხო რესპუბლიკისა და ლუჰანსკის სახალხო რესპუბლიკის აღიარების შემდეგ, რუსეთმა დაარღვია საერთაშორისოდ აღიარებული უკრაინის სუვერენიტეტი და ომი გამოაცხადა. ომს დაწყებიდან დღევანდელ დღემდე არაერთი მოქალაქის სიცოცხლე შეეწირა.
ავტორი: ექსპრესნიუსი,
epn.ge (@expressnews.ge)
