უნგრეთი რუსულ ნავთობზე ემბარგოს მხარს იმ შემთხევაში დაუჭერს, თუ ევროკავშირი მის პირობებს დათანხმდება. ამის შესახებ ინფორმაციას უნგრეთის საგარეო საქმეთა მინისტრი პეტრ სიჯარტო Facebook-ზე ავრცელებს.

მინისტრმა აღნიშნა, რომ რუსული ნავთობის უარყოფა უზარმაზარ ზიანს მიაყენებს უნგრეთის ეკონომიკას და გაანადგურებს ქვეყნის ენერგეტიკულ უსაფრთხოებას, რითაც ხაზი გაუსვა, რომ ევროკავშირმა უნგრეთს ეკონომიკური დახმარება უნდა გაუწიოს.

მისივე თქმით, ემბარგოს შემოღების შემდეგ საწვავის ფასი შესაძლოა 50-60%-ით გაიზარდოს, რაც თავის მხრივ სურსათზე ფასების ზრდას გამოიწვევს.

„ჩვენ ველოდებით წინადადებებს არა მხოლოდ ჩვენი გადამამუშავებელი ქარხნების ასობით მილიონი დოლარის რეკონსტრუქციის შესახებ, არა მხოლოდ ხორვატიის გავლით უნგრეთში ნავთობსადენის გამტარუნარიანობის გაზრდაზე ასობით მილიონი დოლარით, არამედ ეკონომიკის მომავლისთვის. ნავთობის ემბარგოს დასჭირდება პროგრამა უნგრეთის ენერგომომარაგების სტრუქტურის მოდერნიზაციისთვის, რომელიც დაახლოებით რამდენიმე მილიარდი ევრო დაჯდება“, - განაცხადა სიჯარტომ.

უნგრეთის საგარეო საქმეთა მინისტრი თავის წინადადებების ევროკავშირისთვის წარდგენას ამ კვირაში აპირებს.

შეგახსენებთ, რომ მანამდე უნგრეთმა განაცხადა, რომ ევროკავშირის მხრიდან რუსული ნავთობის აკრძალვას მხარს არ დაუჭერდა, ვინაიდან ეს უნგრეთის ენერგომომარაგებას სრულად გაანადგურებდა.

ამასთან, პრემიერ-მინისტრმა ვიქტორ ორბანმა კატეგორიული უარი განაცხადა რუსეთის წინააღმდეგ სანქციების მეექვსე პაკეტის მხარდაჭერასა და ემბარგოს უნგრეთისთვის „ატომური ბომბი“ უწოდა.

ავტორი: ექსპრესნიუსი,

სოციალური ქსელები

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა