რუსულმა ჯარებმა აზოვსტალის ქარხნის ტერიტორიაზე საჰაერო დარტყმები განაახლეს,-
ამის შესახებ პრეზიდენტის აპარატის უფროსის მრჩეველმა ოლექსი არესტოვიჩმა  განაცხადა.

„რთული ამბავი ის არის, რომ მტერი ცდილობს საბოლოოდ ჩაახშოს მარიუპოლის დამცველთა წინააღმდეგობა აზოვსტალის მხარეში. მან განაახლა საჰაერო დარტყმები ქარხნის ტერიტორიაზე, ჩვენი ჯარების თავდაცვის ზონაზე და ცდილობს განახორციელოს თავდასხმის ოპერაციები“, - აღნიშნა არესტოვიჩმა.

მან აღნიშნა ისიც, რომ მძიმე სიტუაციის მიუხედავად ქალაქის დამცველები ცდილობენ წინააღმდეგობის გაწევას.ქარხნის ტერიტორიაზე 1000-მდე მშვიდობიანი მოქალაქე და უკრაინელი ჯარისკაცია, მათ შორის 500-მდე დაჭრილია. უკრაინის ხელისუფლება რუსებს ქარხნიდან სასწრაფო ჰუმანიტარული დერეფნის გამოყოფას სთხოვს.

რუსეთის ასეთმა აგრესიამ მარიუპოლში ერთ-ერთი უდიდესი ჰუმანიტარული კატასტროფა გამოიწვია. დამპყრობლები კვლავ აგრძელებენ უიარაღო მოსახლეობის დაბომბვასა და ჰუმანიტარულ დახმარების დაბლოკვას.

ავტორი: ექსპრესნიუსი,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს