რუსი სამხედროები მზად არიან მშვიდობიან მოსახლეობას „აზოვსტალის“ ფოლადის ქარხნის დატოვების საშუალება მისცენ, მას შემდეგ, რაც უკრაინული ძალები საწარმოს მთელ პერიმეტრზე თეთრ დროშებს აღმართავენ. ამის შესახებ რუსეთის თავდაცვის ეროვნული კონტროლის ცენტრის ხელმძღვანელმა, მიხეილ მიზინცევმა განაცხადა.

როგორვ უწყების განცხადებაში ვკითხულობთ, იმ შემთხვევაში, თუ უკრაინელი სამხედროები იარაღს დაყრიან "მათ სიცოცხლეს შეუნარჩუნებენ და კვალიფიციური სამედიცინო დახმარებას გაუწევენ".

„აზოვსტალში მშვიდობიანი მოსახლეობის სავარაუდო ყოფნის შესახებ უკრაინული მხარის მუდმივი ბრალდებების საპასუხოდ, ჩვენ კიდევ ერთხელ ვაცხადებთ, რომ რუსეთი მზადაა ნებისმიერ დროს შემოიღოს დუმილის რეჟიმი და გამოაცხადოს ჰუმანიტარული პაუზა მშვიდობიანი მოსახლეობის ევაკუაციისთვის. ამავდროულად, უკრაინის შეიარაღებული ძალების ყველა სამხედრო მოსამსახურეს, ბატალიონებს და უცხოელ დაქირავებულებს, რომლებმაც იარაღი დაყარეს, გარანტირებული აქვთ სიცოცხლე, ღირსეული მკურნალობა საერთაშორისო სამართლის შესაბამისად და კვალიფიციური სამედიცინო დახმარება, მაგრამ კიევის რეჟიმი არ იძლევა ამ შესაძლებლობის გამოყენების საშუალებას", - ნათქვამია განცხადებაში.

რეალურად ქარხნის მიწისქვეშა ობიექტებში და უკრაინის შეიარაღებული ძალების სამხედრო პერსონალი, ნაციონალისტური ბატალიონების ბოევიკები, მათ შორის დაჭრილი უკრაინელი სამხედროები, რომლებმაც ასევე გამოთქვეს იარაღის დაყრის სურვილი“, - წერია რუსეთის თავდაცვის განცხადებაში. 

შეგახსენებთ, რომ რუსეთის პრეზიდენტმა ვლადიმერ პუტინმა ბრძანება გასცა, არ მოხდეს შეეტევა აზოვსტალში, სადაც უკრაინელი მებრძოლები და მშვიდობიანი მოსახლეობაა გამაგრებული, რადგან "აზოვსტალის" ტერიტორია მასიურად უნდა დაიბომბოს, როგორც თავად თქვა, "რომ ბუზი არ გამოფრინდეს იქიდან". 

ავტორი: ექსპრესნიუსი,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს