ფინეთის ევროპულ საქმეთა მინისტრმა ტიტი ტიუპურაინენმა ბრიტანულ ტელეარხ Sky News-თან ინტერვიუში განაცხადა, რომ ფინელი ხალხის დიდი უმრავლესობა მხარს უჭერს ქვეყნის ნატოში შესვლას.

მისი თქმით, საბოლოო გადაწყვეტილება ჯერ მიღებული არ არის და პარლამენტში განიხილება, მაგრამ ალიანსში ფინეთის გაწევრიანების ალბათობა ძალიან დიდია.

ტიუპურაინენმა დასძინა, რომ რუსეთის ქმედებები უკრაინის წინააღმდეგ სასტიკი იყო და ომმა ბევრს გაახილა თვალები.

ტიუპურაინენმა ასევე კომენტარი გააკეთა რუსი ოფიციალური პირების განცხადებებზე, რომ ფინეთისა და შვედეთის ნატოში გაწევრიანება ნეგატიურ შედეგებს გამოიწვევს ჩრდილოეთ ევროპაში მშვიდობისთვის. „რასაც არ უნდა იტყვის რუსეთი, ჩვენ, რა თქმა უნდა, გვესმის, მაგრამ ჩვენ თვითონ ვიღებთ გადაწყვეტილებებს ჩვენი ინტერესებიდან, სიტუაციიდან და ზოგადად რაც ხდება ჩვენი შეფასებით“, - თქვა მან.

ავტორი: ექსპრესნიუსი,

სოციალური ქსელები

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა