გენერალურ პროკურატურაში სახელმწიფო უწყებების, ადგილობრივი და საერთაშორისო არასამთავრობო ორგანიზაციების წარმომადგენლებისთვის ადამიანის უფლებათა დაცვის მიმართულებით განხორციელებული ღონისძიებების შესახებ ანგარიშის წარდგენა გაიმართა. 

საქართველოს გენერალურ პროკურატურაში სახელმწიფო უწყებების,  ადგილობრივი და საერთაშორისო არასამთავრობო ორგანიზაციების წარმომადგენლებისთვის  ადამიანის უფლებათა დაცვის მიმართულებით განხორციელებული ღონისძიებების შესახებ  ანგარიშის  და ახლადფორმირებული დეპარტამენტის პრეზენტაცია გაიმართა. 

ღონისძიება  რომელსაც  სახელმწიფო უწყებების და სხვადასხვა არასამთავრობო ორგანიზაციების წარმომადგენლები, საპროკურორო საბჭოს წევრები, პარლამენტის და სახალხო დამცველის აპარატის წევრები ესწრებოდნენ  გენერალური პროკურორის მოადგილემ ნათია მერებაშვილმა გახსნა.

 ადამიანის უფლებათა დაცვის მიმართულებით განხორციელებული ღონისძიებების ანგარიში,  ადამიანის უფლებათა დაცვის დეპარტამენტის უფროსმა სალომე შენგელიამ და დეპარტამენტის პროკურორებმა წარადგინეს. ანგარიში მოიცავდა დეპარტამენტის საქმიანობასა და პრიორიტეტულ დანაშაულებზე განხორციელებულ  ღონისძიებებს როგორებიცაა: ადამიანით ვაჭრობა (ტრეფიკინგი), ქალთა მიმართ გენდერული ძალადობა და ოჯახში ძალადობა, შეუწყნარებლობის მოტივით ჩადენილი დანაშაულები, შშმ პირების უფლებების დარღვევის ფაქტები, უფლებადამცველების, ჟურნალისტების მიმართ ჩადენილი დანაშაულები, არასათანადო მოპყრობის ფაქტები. 

როგორც შეხვედრაზე აღინიშნა,  დეპარტამენტის პრიორიტეტულ მიმართულებას  ასევე პროკურატურის გენდერული ორგანიზაციული პოლიტიკის გაუმჯობესება წარმოადგენს და ამ მიზნით, პროკურატურის გენდერული თანასწორობის 6-წლიან სტრატეგიასა და სამოქმედო გეგმაზე მუშაობა დაიწყო. 

ადამიანის უფლებათა დაცვის მიმართულებით ინოვაციური მიდგომებისა და  პროკურორების განვითარებაზე ორიენტირებული ღონისძიებების დაგეგმვა, ასევე დაზარალებულზე მორგებული მიდგომების პრაქტიკაში იმპლემენტაცია მომავალშიც აქტიურად გაგრძელდება.

ავტორი: NS (სტატია დაფინანსებულია),

სოციალური ქსელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი