2022-03-23 12:44:59, 602 ნახვა
მსოფლიო
ვოლოდიმერ ზელენსკი ხვალ, ვიდეოკონფერენციის რეჟიმში ნატო-ს სამიტში მონაწილეობას მიიღებს
უკრაინის პრეზიდენტი ვოლოდიმერ ზელენსკი 24 მარტს, ვიდეოკონფერენციის რეჟიმში ნატო-ს სამიტში მონაწილეობას მიიღებს.
"უკრაინა სამიტში აქტიურ მონაწილეობას მიიღებს. რა ფორმით ჯერ არ ჩამოვყალიბებულვართ. სულ მცირე ეს იქნება პრეზიდენტის მიმართვა, მაქსიმუმი - სრული ჩართულობა, რა თქმა უნდა, ვიდეოფორმატში“, - განაცხადა პრეზიდენტის პრესმდივანმა სერგეი ნიკიფოროვმა.
უკრაინის პრეზიდენტის თქმით, სამიტზე რუსეთის მიერ უკრაინის მოსახლეობისა და სამოქალაქო ინფრასტრუქტურის წინააღმდეგ სამხედრო დანაშაულების შეჩერების აუცილებლობაზე ისაუბრებს.
24 მარტს ბრიუსელში ნატო-ს სამიტი გაიმართება, რომელსაც აშშ-ის პრეზიდენტი ჯო ბაიდენი დაესწრება.
ავტორი: ექსპრესნიუსი,
epn.ge (@expressnews.ge)
