აშშ-ში აცხადებენ, რომ ჯერჯერობით არ აქვთ რაიმე მტკიცებულება იმისა, რომ ბელარუსის ჯარები, რომლებიც რუსეთის ახლო მოკავშირეები არიან, უკრაინაში გადასულიყვნენ. „ბიბისის“ ცნობით, აღნიშნულის შესახებ პენტაგონის სპიკერმა, ჯონ კირბიმ განაცხადა.

„ვერ ვხედავთ რაიმე მინიშნებას იმისა, რომ ბელარუსის ჯარები უკრაინის შიგნით გადავიდნენ. ჩვენ ვერ ვხედავთ ბელარუსის ძალების რაიმე ჩართულობას. ეს არ ნიშნავს იმას, რომ ეს არ შეიძლება, მოხდეს ან არ მოხდება“, - განაცხადა პენტაგონის წარმომადგენელმა. 

ცნობისთვის, უკრაინა აცხადებს, რომ შიშობს, რომ ბელარუსი შესაძლოა შეუერთდეს რუსეთის შეჭრას უკრაინაში და დაადანაშაულა რუსეთი ბელარუსული სოფლის დაბომბვაში, რათა მოახდინოს მათი ომში ჩართვის პროვოცირება. 

ბელარუსის ოფიციალური სააგენტოს ცნობით, გუშინ, რუსეთისა და ბელარუსის ქვეყნის ლიდერები, ვლადიმერ პუტინი და ალექსანდრ ლუკაშენკო შეთანხმდნენ, რომ მოსკოვი მოკავშრე ბელარუსს უახლოეს მომავალში თანამედროვე სამხედრო აღჭურვილობას მიაწვდის. 

ავტორი: ექსპრესნიუსი,

სოციალური ქსელები

პუტინის წარმომადგენელი კირიენკო აფხაზეთში ჩავიდა, მან აფხაზი სეპარატისტების მემორიალი შეამკო

კიევზე რუსული საჰაერო დარტყმის შედეგად დაღუპულთა რიცხვი 13-მდე გაიზარდა

კუსტარული ნარკოლაბორატორია აღმოვაჩინეთ, ამოღებულია 7 კგ-მდე ნარკოტიკი - შსს [VIDEO]

უკრაინამ ნიჟნი ნოვგოროდის ოლქში ნავთობგადამამუშავებელ ქარხანას დაბომბა, რომელიც მოსკოვს საწვავით ამარაგებს