რესპუბლიკელი ამერიკელი სენატორები ბაიდენის ადმინისტრაციას სთხოვენ, შეცვალოს კურსი და დაუშვას პოლონური MiG-ის გამანადგურებელი თვითმფრინავების უკრაინელებისთვის გადაცემა.

AP News-ის ცნობით, ხუთშაბათს, ორმოცმა ამერიკელმა სენატორმა ხელი მოაწერა წერილს აიოვას სენატორის ჯონი ერნსტისგან და იუტადან მიტ რომნისგან, რომელიც მოუწოდებდა ჯო ბაიდენს უკრაინის პრეზიდენტის, ვოლოდიმირ ზელენსკის თხოვნაზე „შესაბამისი“ პასუხის გაცემას. შეგახსენებთ, რომ ვოლოდიმირ ზელენსკიმ აშშ-ის პრეზიდენტს მოუწოდა, რომ თუ იგი უკრაინის თავზე ცის დახრუვით ვერ დაეხმარებოდა, უკრაინელი ხალხის დასაცავად, უფრო მეტი სამხედრო თვითმფრინავები მაინც გამოეგზავნა.

„საკმარისია საუბარი. ხალხი კვდება. გაუგზავნეთ მათ თვითმფრინავები, რომლებიც მათ სჭირდებათ“, - განაცხადა მიტ რომნიმ, კაპიტოლიუმზე გამართულ პრესკონფერენციაზე.

ცნობისთვის, თავიდან, ბაიდენის ადმინისტრაციამ ინფორმაცია გაავრცელა, რომ საბჭოთა ეპოქის თვითმფრინავები ახლა ნატოს მოკავშირე პოლონეთში შეიძლება, საჰაერო მხარდაჭერის უზრუნველსაყოფად, უკრაინისთვის გადაცემულიყო. მაგრამ, ოთხშაბათს, პენტაგონმა უარი თქვა აღნიშნულ წინადადებაზე და განაცხადა, რომ თვითმფრინავები არ არის ეფექტური იარაღი და ეს გეგმა ომის ესკალაციის "მაღალი რისკის" წინაშე აღმოჩენილიყო.

ავტორი: ექსპრესნიუსი,

სოციალური ქსელები

პუტინის წარმომადგენელი კირიენკო აფხაზეთში ჩავიდა, მან აფხაზი სეპარატისტების მემორიალი შეამკო

კიევზე რუსული საჰაერო დარტყმის შედეგად დაღუპულთა რიცხვი 13-მდე გაიზარდა

კუსტარული ნარკოლაბორატორია აღმოვაჩინეთ, ამოღებულია 7 კგ-მდე ნარკოტიკი - შსს [VIDEO]

უკრაინამ ნიჟნი ნოვგოროდის ოლქში ნავთობგადამამუშავებელ ქარხანას დაბომბა, რომელიც მოსკოვს საწვავით ამარაგებს