2021-11-06 16:27:03, 622 ნახვა
საზოგადოება
რუსთავის ციხის მიმდებარე ტერიტორიაზე ტრანსპორტის მოძრაობა შეიზღუდა
რუსთავის ციხის მიმდებარე ტერიტორიაზე ტრანსპორტის მოძრაობა შეიზღუდა. პოლიციამ გზა გადაკეტა. მოძრაობის შეზღუდვის მიზეზი დღეს, რუსთავის მე-12 პენიტენციურ დაწესებულებასთან დაგეგმილი აქციაა.
ამასთან, სამართალდამცველებმა რუსთავის ციხესთან რკინის ჯებირები მიიტანეს და მიმდებარე ტერიტორიაზე განალაგეს.
ოპოზიციის აქცია 17:00 საათზეა დაგეგმილი. აქციის მონაწილეების მთავარი მოთხოვნა საქართველოს მესამე პრეზიდენტის მიხეილ სააკაშვილის მრავალპროფილურ კლინიკაში გადაყვანაა.
ავტორი: ექსპრესნიუსი,
epn.ge (@expressnews.ge)
