სულ მცირე 15 ადამიანი დაიღუპა და 34 დაიჭრა,  ავღანეთის უდიდეს სამხედრო ჰოსპიტალში ორი აფეთქების სედეგად - ინფორმაციას „Reuters”-ი თალიბანის უსაფრთხოების წარმომადგენელის განცხადებაზე დაყრდნობით, ავრცელებს.

მათი ცნობით, აფეთქებები მოხდა  400 - ადგილიანი  სარდარ მოჰამად დაუდ ხანის საავადმყოფოს შესასვლელთან. როგორც   შინაგან საქმეთა სამინისტროს სპიკერმა ქარი საიდ ხოსტიმ განაცხადა, რეგიონშუ უკვე გაგზავნეს უსაფრთხოების ძალები.

ოფიციალურად არ დასტურდება, თუმცა, ადგილობრივი მედიის ცნობით, ტერორისტული ორგანიზაცია „ისლამური სახელმწიფოს“ მებრძოლები საავადმყოფოში შეიჭრნენ და ცეცხლი გახსნეს უსაფრთხოების ძალების მიმართულებით.

მოძრაობა „თალიბანის“ ხელისუფლებაში მოსვლის შემდეგ, ავღანეთში მომხდარ აფეთქებებზე პასუხისმგებლობას თავის თავზე ტერორისტული ორგანიზაცია „ისლამური სახელმწიფო“ იღებს, ბოლო ხანებში საკმაოდ გახშირდა მსგასვი თავდასხმები, აქამდე მათი ძირითადი სამიზნე შიიტური მეჩეთები იყო.

2017 წელს ორგანიზაციის მიერ 400-ადგილიან საავადმყოფოზე განხორციელებულ თავდასხმას 30 ადამიანის სიცოცხლე ემსხვერპლა

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს