2021-09-16 10:24:27, 540 ნახვა

---

ექიმის ინფორმაციით, „მთავარის“ ოპერატორს, რომელიც „ოცნების“ შტაბში ინციდენტისას დაშავდა, მრავლობითი დაზიანება აქვს

ტელეკომპანია „მთავარის“ ოპერატორი, რომელიც ქარელში, „ქართული ოცნების“ საარჩევნო შტაბში მომხდარი ინციდენტის დროს დაშავდა, თბილისში, „ნიუ ჰოსპიტალის“ კლინიკაშია გადმოყვანილი.

როგორც ექიმმა ჟურნლისტებს განუცხადა, ჩატარებული მენჯ-ბარძაყის კვლევით, ეჭვია მარცხენა ბარძაყის ძვლის ციბრუტის ხაზოვან მოტეხილობაზე.

„26 წლის მამაკაცი შემოყვანილია კლინიკაში სხეულის მრავლობითი დაზიანებით. პაციენტი შემოყვანისას არის კონტაქტური, ადეკვატური. აღენიშნება ექსკორიაციები ტკივილი. ჩატარებული მენჯ-ბარძაყის კვლევით, მარცხენა ბარძაყის ძვლის ციბრუტის ხაზოვან მოტეხილობაზეა საეჭვო რენტგენოლოგიური სურათი, რის გამოც, პაციენტი გაყვანილია დამატებით კვლევებზე“, - განაცხადა ექიმმა.

ცნობისთვის, „მთავარი არხის“ ინფორმაციით, გუშინ, მათი ოპერატორი ქარელში მდებარე „ქართული ოცნების“ საარჩევნო შტაბის ოფისის მეორე სართულიდან გადმოაგდეს.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი