2021-09-13 14:11:03, 836 ნახვა
მსოფლიო
თურქეთში ტურისტების ავტობუსისა და სკოლის მიკროავტობუსის შეჯახების შედეგად ერთი ადამიანი დაიღუპა
თურქეთის მუღლის პროვინციაში ავტობუსი, რომელშიც ტურისტები იმყოფებოდნენ და მიკროავტობუსი, რომელსაც სკოლის მოსწავლეები გადაჰყავდა, ერთმანეთს შეეჯახნენ, რის შედეგადაც დაიღუპა ერთი და დაშავდა 55 ადამიანი, - ინფორმაციას ადგილობრივი მედია ავრცელებს.
გავრცელებული ინფორმაციით, ტურისტების ავტობუსი შეჯახების შემდეგ ამობრუნდა. მძღოლი ადგილზე დაიღუპა.
დაშავებულები მუღლასა და დენიზლის საავადმყოფოებში არიან გადაყვანილი. წინასწარი ინფორმაციით, ავტობუსის მძღოლმა საჭე ვერ დაიმორჩილა, რის გამოც საპირისპირო მიმართულებით მოძრავ სამარშრუტო ტაქსს შეეჯახა და ამოტრიალდა.
ადგილზე პოლიციაა მობილიზებული, რომელიც ინციდენტის გამომწვევ მიზეზებს იძიებს.
ავტორი: ექსპრესნიუსი,
epn.ge (@expressnews.ge)
