2021-09-02 17:51:31, 351 ნახვა

---

ირაკლი ღარიბაშვილი - აცრა არის ერთადერთი გამოსავალი იმისთვის, რომ ჩვენი მოქალაქეები დავიცვათ შემდგომი გართულებებისგან

აცრა არის ერთადერთი გამოსავალი იმისთვის, რომ ჩვენი მოქალაქეები დავიცვათ შემდგომი გართულებებისგან, - ამის შესახებ საქართველოს პრემიერ-მინისტრმა ირაკლი ღარიბაშვილმა, ზესტაფონში, მეორე საჯარო სკოლაში, ვაქცინაციის ცენტრში განაცხადა, სადაც ვაქცინაციის პროცესს გაეცნო.

 მთავრობის მეთაურს რეგიონში ვაქცინაციის მიმდინარეობის პროცესი ზესტაფონის "ჯეოჰოსპიტალსის" ამბულატორიული ცენტრის მენეჯერმა ლია ებანოიძემ გააცნო.

ვაქცინაციის ცენტრში დღეში 350-ზე მეტი ადამიანი იცრება. ცენტრი 23 აგვისტოდან ფუნქციონირებს და დღემდე 2848 ადამიანია აცრილი. 

ცენტრში აცრა შეუძლიათ როგორც ვაქცინაციაზე რეგისტრირებულ მოქალაქეებს, ასევე იმ ადამიანებს, რომლებიც ცენტრს თვითდინებით მიმართავენ.

ადგილზე აცრის პროცესს "ჯეოჰოსპიტალსის" სამედიცინო პერსონალი უზრუნველყოფს.

პრემიერთან ერთად ვაქცინაციის ცენტრში რეგიონული განვითარებისა და ინფრასტრუქტურის მინისტრი ირაკლი ქარსელაძე, იუსტიციის მინისტრი რატი ბრეგაძე და იმერეთის გუბერნატორი ზვიად შალამბერიძე იმყოფებოდნენ.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი