მარგველაშვილი: გვახსოვდეს, რომ პოლიტიკოსები მედიის გარეშე აღარ ვიქნებოდით

2015-10-06 10:40:32, 404 ნახვა

პოლიტიკა

„გვახსოვდეს, რომ პოლიტიკოსები მედიის გარეშე აღარ ვიქნებოდით“,-ამის შესახებ საქართველოს პრეზიდენტმა გიორგი მარგველაშვილმა გადაცემა „არჩევანში“ განაცხადა.

პრეზიდენტმა მედიის დამოუკიდებლობის უზრუნველყოფაზე ისაუბრა და „რუსთავი 2“-ის ირგვლივ განვითარებული მოვლენები შეაფასა.

„თითოეულ პოლიტიკოსს უნდა გვახსოვდეს, რომ ზოგადად მედიას მხარი დავუჭიროთ. ჩვენ უნდა გვახსოვდეს, რომ მედიის გარეშე ჩენ აღარ ვიქნებოდით. აქედან გამომდინარე, ჩემი და მთელი პოლიტიკური სპექტრის მხარდაჭერა უნდა გქონდეთ თქვენ და სხვა მედია არხებსაც“,-განაცხადა გიორგი მარგველაშვილმა.

კითხვაზე ხომ არ არის უმჯობესი „რუსთავი 2“ -თან დაკავშირებით , მან „დიპლომატიური ტიპის“ განცხადებების ნაცვლად მკაფიო შეფასებები გააკეთოს, მარგველაშვილმა დასძინა, რომ ის ამ შემთხვევაში არა პოლიტიკური ძალის წარმომადგენელს , არამედ ქართულ აუდიტორიას ესაუბრება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან