ოკუპირებულ ცხინვალში უკანონოდ დაკავებული ზაზა გახელაძის ე.წ სასამართლო პროცესი 5 თებერვალს გაგრძელდება

2021-01-28 14:00:44, 823 ნახვა

სამართალი

ოკუპირებულ ცხინვალში უკანონოდ დაკავებული ზაზა გახელაძის ე.წ სასამართლო პროცესი 5 თებერვალს გაგრძელდება. ე.წ. სასამართლო პროცესი დღეს ორი საათის განმავლობაში მიმდინარეობდა.

აღნიშნული ინფორმაცია "ექსპრესნიუსს" სახელმწიფო უსაფრთხოების სამსახურში დაუდასტურეს.

შეგახსენებთ, რომ რუსეთის საოკუპაციო ძალებმა ზაზა გახელაძე 11 ივლისს დააკავეს. გახელაძეს ე.წ საზღვრის უკანონო კვეთასა და მესაზღვრეებისთვის ცეცხლის გახსნას ედავებიან. დაკავებისას ის ფეხის არეში დაიჭრა.

გასული წლის დეკემბერში ოკუპირებული ცხინვალის სასამართლომ ზაზა გახელაძეს პატიმრობა 2 თვით გაუხანგრძლივა.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან