ალექსანდრ ლუკაშენკო ბელარუსის პრეზიდენტის მოვალეობის შესრულებას ოფიციალურად შეუდგა

2020-09-23 14:15:23, 880 ნახვა

მსოფლიო

ალექსანდრ ლუკაშენკო ბელარუსის პრეზიდენტის მოვალეობის შესრულებას შეუდგა, - ამის შესახებ სპუტნიკ ბელარუსი წერს.

როგორც გამოცემა იუწყება, ფიცის დადების ცერემონია დამოუკიდებლობის სასახლეში გაიმართა და მას ასობით ადამიანი დაესწრო, მათ შორის საზოგადო მოღვაწეები და პოლიტიკოსებიც.

ინაუგურაციის დროს ლუკაშენკომ განაცხადა, რომ ბელარუსმა არა უბრალოდ პრეზიდენტი აირჩია, არამედ მშვიდობიანი ცხოვრება და სუვერენიტეტი.

შეგახსენებთ, ბელარუსში საპრეზიდენტო არჩევნები 9 აგვისტოს ჩატარდა და ამ დღიდან მოყოლებული, ქვეყანაში არ წყდება საპროტესტო აქციები, რადგან საზოგადოების ნაწილი არ ცნობს ალექსანდრ ლუკაშენკოს პრეზიდენტობას და მის გადადგომას ითხოვს.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან