2015-09-15 19:06:51, 508 ნახვა
პოლიტიკა
მევენახეებმა პარლამენტში ნაციონალური მოძრაობის წევრებს შენიშვნა მისცეს
პარლამენტში დარგობრივი ეკონომიკისა და ეკონომიკური პოლიტიკის კომიტეტის, ასევე აგრარული კომიტეტის გაერთიანებული სხდომა ხმაურის ფონზე მიმდინარეობს.
სხდომაზე რთველი 2015-ის მიმდინარეობის პროცესს განიხილავენ. სოფლის მეურნეობის მინისტრი ოთარ დანელია და ნაციონალური მოძრაობის წევრები 2007 წლიდან 2014 წლამდე ღვინის ექსპორტთან დაკავშირებით კამათობდნენ.
„თქვენს დაპირისპირებას ყოველ დღე ვისმენთ. ჩვენ გვაინტერესებს პასუხები, აქ ჩამოვედით პასუხებისთვის და არ გვასმენინებთ“, - აღნიშნეს მევენახეებმა.
მევენახეებმა ნაციონალურ მოძრაობის წევრებს შენიშვნა მისცეს და მოუწოდეს, რომ მინისტრისთვის საშუალება მიეცათ კითხვებზე პასუხი გაეცათ, რადგან მათ ინფორმაცია მიეღოთ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
