2020-08-04 13:19:15, 4728 ნახვა
მსოფლიო
გაერო-ს გენერალური მდივანი - კოროვირუსის პანდემიამ ისტორიაში განათლების ყველაზე დიდი შეფერხება გამოიწვია
გაერო-ს გენერალურმა მდივანმა ანტონიო გუტიერეშმა განაცხადა, რომ კოროვირუსის პანდემიამ ისტორიაში განათლების ყველაზე დიდი შეფერხება გამოიწვია.
მისი თქმით, 160-ზე მეტ ქვეყანაში სკოლები დახურულია, კორონავირუსმა კი გავლენა 1 მილიარდამდე მოსწავლეზე მოახდინა.
მანვე დაამატა, რომ კორონავირუსის გამო წელს 40-მა მილიონმა ბავშვმა სკოლამდელი ასაკის განათლების მიღება ვერ შეძლო.
„მსოფლიოში თაობები კატასტროფის წინაშე დგას. ეს ფლანგავს ადამიანის პოტენციალს, ძირს უთხრის ათწლეულების წინ მიღწეულ პროგრესს და არსებულ უთანასწორობას კიდევ უფრო ამწვავებს“, - აცხადებს გუტიერეში.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
