„როგორ დაეხმარა „სამი მუშკეტერი“ საქართველოს კორონავირუსის წინააღმდეგ ბრძოლაში“, - ამ სათაურით აქვეყნებს სტატიას გავლენიანი გამოცემა BBC.

სტატიაში ავტორი „სამ მუშკეტერად“ ასახელებს NCDC- ის ხელმძღვანელს ამირან გამყრელიძეს, ლუგარის ლაბორატორიის ხელმძღვანელს, პაატა იმნაძესა და მთავარ ვირუსოლოგს, თენგიზ ცერცვაძეს.

საზოგადოებრივი ჯანდაცვის სფეროში კიდევ ერთ პოპულარულ ფიგურად დასახელებულია მარინა ეზუგბაია, თბილისის ინფექციური საავადმყოფოს სამედიცინო დირექტორი.

სამეცნიერო ჯგუფის, რომელსაც „სამ მუშკეტერს“ უწოდებენ, დამსახურებაა პანდემიის წინააღმდეგ წარმატებული ბრძოლა.

აღსანიშნავია ისიც, რომ სტატიაში საუბარია იმ მიზეზებზე, რამაც განაპირობა საქართველოს წარმატება კოვიდ19-ის წინააღმდეგ ბრძოლაში. ავტორის თქმით,  საქართველოშ Covid-19-ის პირველი შემთხვევა თებერვლის ბოლოს დარეგისტრირდა, ხოლო მთავრობის რეაგირება ვირუსის წინააღმდეგ საკმაოდ სწრაფი იყო.

„მარტის შუა რიცხვამდე სკოლები, უნივერსიტეტები, გარკვეული ბიზნესი შეჩერდა და საზოგადოებრივი ტრანსპორტით გადაადგილება აიკრძალა. უკვე 21 მარტს საგანგებო მდგომარეობის შემოღების შემდეგ, აიკრძალა შეკრებები და ქალაქგარეთ მოგზაურობა. შემოიღეს კომენდატის საათიც“, - ვკითხულობთ სტატიაში.

დასასრულს, ავტორის აღნიშნავს, რომ მიუხედავად პოლიტიკური პოლარიზაციის მაღალი ხარისხისა, საზოგადოება ფართოდ უჭერდა მხარს ეპიდემიასთან ბრძოლის პროცესს. პრემიერ-მინისტრმა აღნიშნა, რომ მოქალაქეების თანამშრომლობა და მათი სამაგალითო სოციალური პასუხისმგებლობამ ხელი შეუწყო ვირუსის გავრცელების მართვას.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

iFact: სანქცირებული ტანკერის ტვირთი ყულევის პორტში ჩავიდა

პარლამენტმა სახელმწიფო ქონება იმპორტზე აქციზის გადასახადისგან გაათავისუფლა

რუსეთმა შეერთებულ შტატებს ევროპიდან ყველა ბირთვული იარაღის გაყვანა მოსთხოვა

პუტინის ბირთვული მუქარის შემდეგ ნატოს ქვეყნებმა რეკორდული ტემპით ჩადეს ინვესტიციები ბირთვულ იარაღში