„მე ვფიქრობ, რომ არანაირი მორალური რესურსი არ დარჩათ ამ ადამიანებს, რომ ამ ღამეზე ილაპარაკონ, საზოგადოებამ და ახალგაზრდებმა ზუსტად იციან და დღეს, როდესაც ამას კიდევ ახსენებენ, ნუ ჰგონიათ, რომ მორალურ პასუხისმგებლობას რომელიმე მათგანი გაექცევა, მათ შორის, 20 ივნისის ღამეზე",- ამის შესახებ ფრაქცია „ქართული ოცნების" თავმჯდომარემ პლენარულ სხდომაზე განაცხადა, სადაც პრემიერ-მინისტრმა გიორგი გახარიამ საგანგებო მდგომარეობის პერიოდში მთავრობის მიერ გაწეული საქმიანობის შესახებ ანგარიში წარადგინა.

რატი იონათამიშვილი ოპონენტების განცხადებებს გამოეხმაურა.

„რადიკალური ოპოზიცია მიეჩვია, რომ თავად დააშავებს რაღაცას და აბრალებს სხვას. რამდენიმე დღის წინ ჩვენ ამ რადიკალური ოპოზიციის ერთ-ერთი გამორჩეული სახის სკანდალური აღიარება ვნახეთ ერთ-ერთი ტელევიზიის პირდაპირ ეთერში, როდესაც მან, ფაქტობრივად, ნიშნისმოგებით, კმაყოფილი სახით, თქვა, რომ გულწრფელი ახალგაზრდები, 20 ივნისის ღამეს გამოიყენა და გაწირა. ჩვენ ვნახეთ ამაზე ახალგაზრდების ჯანსაღი რეაქცია, რომლებმაც გააპროტესტეს ეს განცხადება, მაგრამ ამ რადიკალური ოპოზიციის არცერთი ლიდერიდან, არცერთი წევრისგან, ჩვენ არ მოგვისმენია ამ განცხადების შეფასება. სიჩუმე, ამ შემთხვევაში, ნამდვილად თანხმობას ნიშნავს. ამიტომ, მე ვფიქრობ, რომ არანაირი მორალური რესურსი არ დარჩათ ამ ადამიანებს, რომ ამ დღეზე ილაპარაკონ, ამ ღამეზე ილაპარაკონ, საზოგადოებამ და ახალგაზრდებმა ზუსტად იციან და დღეს, როდესაც ამას კიდევ ახსენებენ, ნუ ჰგონიათ, რომ მორალურ პასუხისმგებლობას რომელიმე მათგანი გაექცევა, მათ შორის, 20 ივნისის ღამეზე",- განაცხადა რატი იონათამიშვილმა.​

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა