დავით სერგეენკო: მთავრობა აგრძელებს მუშაობას, როგორც ერთიანი ჯგუფი

2015-08-19 13:26:00, 533 ნახვა

პოლიტიკა

მთავრობა აგრძელებს მუშაობას, როგორც ერთიანი ჯგუფი,- ამის შესახებ შრომის, ჯანმრთელობისა და სოციალური დაცვის მინისტრმა დავით სერგეენკომ მთავრობაში მოსალოდნელ ცვლილებებთან დაკავშირებით, მედიაში გავრცელებული ინფორმაციის კომენტირებისას განაცხადა.

ამასთან, მისივე თქმით, მთავრობაში არანაირ დაპირისპირებაზე საუბარი არ არის.

"შემიძლია ცალსახად დავადასტურო, რომ არანაირ დაპირისპირებაზე საუბარი არ არის. მთავრობა აგრძელებს მუშაობას, როგორც ერთიანი ჯგუფი. რაც შეეხება სამთავრობო ცვლილებებს, ჩემთვის უცნობია, რომ ასეთი კონსულტაციები მიმდინარეობდეს",- განაცხადა დავით სერგეეენკომ.

რაც შეეხება ექსპერტებისა და პოლიტიკოსების ნაწილის მოსაზრებას, რომ შესაძლოა სამთავრობო ცვლილებები სექტემბერში დაიწყოს, ჯანდაცვის მინისტრმა აღნიშნა, რომ ექსპერტების აზრი ძალიან მნიშვნელოვანია, თუმცა მათ შემადგენლობაში შეხედულებები ერთმანეთისგან განსხვავდება,რაც ნორმალური მოვლენაა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან