"რეკომენდაციების დაცვა დღეს ამ ინფექციის წინააღმდეგ ბრძოლის ერთადერთი იარაღია", - ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ განაცხადა.

მისივე თქმით, ჯერჯერობით ვაქცინა არაა და ის დაახლოებით შემოდგომისკენ შეიქმნება, მანამ კი კორონავირუსის წინააღმდეგ ბრძოლის ერთადერთი საშუალება რეკომენდაციების დაცვაა.

"ამ დრომდე ჩვენ მაქსიმალურად შევაკავეთ ინფექციის გავრცელება და ფართომაშტაბიან ეპიდემიაში შესვლა. ეს დრო იყო იმისთვის, რომ ქვეყანა უკეთესად მომზადებულიყო, უკეთესად მომზადებულიყო ჯანდაცვის სისტემა. მაგრამ ბოლო რამდენიმე დღის ეპიდემიოლოგიური მონაცემები, მიუთითებს იმაზე, რომ სერიოზული შიდა გავრცელების პროცესი გვაქვს, რომელიც შეიძლება უკონტროლო გახდეს, თუ ჩვენ არ შევასრულებთ ყველა რეკომენდაციას, რასაც სხვადასხვა ორგანო იძლევა, რეკომენდაციების დაცვა დღეს ამ ინფექციის წინააღმდეგ ბრძოლის ერთადერთი იარაღია. არ არსებობს ჯერჯერობით ვაქცინა და არ იქნება დაახლოებით წლის ბოლომდე. ჩვენ დიდი იმედი გვაქვს, რომ ვაქცინა იქნება, მაგრამ ალბათ უფრო შემოდგომის მეორე ნახევარში. მანამდე რჩება მხოლოდ ერთი იარაღი, რომ გავრცელება არ იყოს ფართომასშტაბიანი, რეკომენდაციების დაცვა", - განაცხადა ამირან გამყრელიძემ.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია