ინფექციურ საავადმყოფოში ჩინეთის მოქალაქე შეიყვანეს.

როგორც ცნობილია, მამაკაცს ვირუსის სიმპტომები აღენიშნება.

როგორც ინფექციური საავადმყოფოს დირექტორი, თენგიზ ცერცვაძე ამბობს, ამ პაციენტში მეტია იმის შესაძლებლობა, რომ ახალი კორონავირუსი ჰქონდეს.

მისივე თქმით, ოფიციალურად ხვალ გახდება ცნობილი, ინფიცირებულია თუ არა მამაკაცი ახალი კორონავირუსით.

„გუშინ წინ აღენიშნა ტემპერატურის მომატება. როგორც თვითონ და მისი თანმხლები პირი გადმოგვცემენ , 38 გრადუსზე მეტი. ჰქონდა ხველა, კატარული მოვლენები, თავის ტკივილი, ზოგადი სისუსტე, შემდეგ მიმართა საელჩოს და ონლაინ რეჟიმში ჩინელ ექიმებთან იტარებდა კონსულტაციას, რომელბმაც დაუნიშნეს ანტიბიოტიკი. წარწერები სულ ჩინურად აქვს და ჯერ არ ვიცით რომელი წამალია. მდგომარეობა გაუარესდა იმის გათვალისწინებით რომ მას აქვს მწვავე რესპირაციული ინფექცია და პეკინიდანაა ჩამოსული. ბუნებრივია შესაძლოა იყოს ინფიცირებული ახალი კორონავირუსით. აქამდე ვინც შემოსულა ინფექციურში იმათ არც პნევმონია არ ჰქონიათ არც ხველა ჰქონიათ, არც სხვა კლინიკური გამოვლინება, მათი ერთადერთი რისკის ფაქტორი იყო ის რომ ჩინეთიდან იყვნენ ჩამოსულები. აქ მეტია კლინიკური გამოვლინებები“, - განაცხადა თენგიზ ცერცვაძე.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს