მიმდინარე წელს მოსკოვისა და სარაჯიშვილის გამზირებზე არსებული ხეივნების რეაბილიტაცია იგეგმება, - ამის შესახებ თბილისის მერის მოადგილე მაია ბითაძემ 2020-2021 წლებში განსახორციელებელი პროექტების პრეზენტაციაზე განაცხადა. 

როგორც მან აღნიშნა, მუნიციპალიტეტის მხრიდან ძველი პროექტების რეაბილიტაციის ან ახალი პროექტების განხორციელების დროს, მწვანე საფარის შექმნას დიდი ყურადღება ეთმობა.

„მწვანე საფარის შექმნა ჩვენთვის ყველაზე მნიშვნელოვანი მიმართულებაა, რომელიც ამ ქალაქის ეკოლოგიურ წონასწორობას უზრუნველყოფს. სწორედ ამიტომ, თითოეულ პარკში, რომლის რეაბილიტაციასაც ვახორციელებთ, 80% მწვანე საფარი იქნება და სარწყავი სისტემები მოეწყობა. მოსკოვის გამზირზე, 27 000 კვ.მ ფართობზე გამწვანებული სივრცე არსებობს, რომლის რეაბილიტაციას სულ მალე დავიწყებთ. პროექტის საერთო ღირებულება 3 500 000 მლნ ლარია. ვფიქრობთ, სამუშაოების შედეგად, როგორც რეკრეაციული, ასევე დასასვენებელი კუთხით, ადგილობრივ მოსახლეობას ძალიან კარგი სივრცე ექნება. ბუნებრივია, მოეწყობა ველობილიკები, დაირგვება ახალი ხეები და ნარგავები, მოეწყობა შესაბამისი მოსასვენებელი ადგილები“, - განაცხადა მაია ბითაძემ.

მისივე თქმით, მსგავსი პროექტის განხორციელება დაიწყება სარაჯიშვილის გამზირზეც, სადაც ასევე, დიდი ხეივანი არსებობს.

„გარდა იმისა, რომ აღნიშნულ ხეივანში ინფრასტრუქტურაა მოშლილი, ხეების მდგომარეობაც ძალიან მძიმეა. ხეივანი 28 000 კვ.მ ფართობს მოიცავს და წელს ტერიტორია მთლიანად რეაბილიტირდება“, - განაცხადა მერის მოადგილემ.

აღნიშნული პროექტის განხორციელებისთვის 3 000 000 ლარი დაიხარჯება.

ავტორი: NS (სტატია დაფინანსებულია),

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს