„ასეთი მძაფრი გზავნილები მე უბრალოდ არ მახსოვს“, - ასე ეხმაურება საქართველოს მეოთხე პრეზიდენტი გიორგი მარგველაშვილი ამერიკელი კონგრესმენების მიერ პრემიერ-მინისტრ გიორგი გახარიასთვის გამოგზავნილ კრიტიკულ წერილს ტელეკომპანია „მთავართან“ საუბრისას.

მარგველაშვილის თქმით, აუცილებელია ყველა იმ ძალის კონსოლიდირება, რომლებსაც მიაჩნიათ, რომ საქართველოს მომავალი რუსეთში არ არის.

„ძალიან ნათელია ამ გზავნილების სიმძაფრე. ასეთი მძაფრი გზავნილები მე უბრალოდ არ მახსოვს. არ მახსოვს, რადგან როდესაც მოდიოდა კრიტიკა დასავლეთიდან, ნებისმიერი ხელისუფლების დროს იქ ისხდნენ პოლიტიკოსები, რომლებსაც ესმოდათ რა სიმძიმისაა შენი პარტნიორისგან ასეთი რთული შეფასება. აუცილებელია კონსოლიდირება ყველა იმ ძალის, რომლებსაც მიაჩნიათ რომ საქართველოს მომავალი არ არის რუსეთში, არ არის ავტორიტარიზმში და არ არის წარსულში დაბრუნებაში. კონსოლიდირება, ძალიან აქტიური მუშაობა და გადარჩენაა საქართველოს პროდასავლური დემოკრატიული არჩევანი. ჩვენ არ ვიწამეთ და არ მივეცით მთელი ჩვენი ახალგაზრდობა და რთული 30 წელი არ გაგვივლია იმისთვის, რომ უცებ ყველაფერზე უარი ვთქვათ და ჩავბარდეთ უკან რუსულ ორბიტას“, - განაცხადა გიორგი მარგველაშვილმა.

შეგახსენებთ, რომ ამერიკელმა კონგრესმენებმა, ადამ კინზინგერმა,  გერი კონოლმა, მაიკლ მაკკოლიმ და ელიოტ ენჯელმა საქართველოს პრემიერ-მინისტრ გიორგი გახარიას კრიტიკული წერილი გაუგზავნეს, რომელშიც კონგრესმენები საქართველოში პოლიტიკური მოტივით დევნისა და ეკონომიკური ვარდნის ტენდენციის გამო, შეშფოთებას გამოთქვამენ.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა