2020-01-13 18:19:36, 1582 ნახვა
სამართალი
არასრულწლოვანთა პორნოგრაფიული მასალის დამზადება-გასაღებაში ბრალდებული სამი პირი სასამართლომ პატიმრობაში დატოვა
არასრულწლოვანთა გამოსახულების შემცველი პორნოგრაფიული მასალის უკანონოდ დამზადება-გასაღებისა და ტრეფიკინგის საქმეზე ბრალდებული სამი პირი სასამართლომ პატიმრობაში დატოვა.
თბილისის საქალაქო სასამართლოში ბრალდებული სამი პირის, მათ შორის დედა-შვილისა და ავსტრალიის ერთი მოქალაქის საქმე განიხილებოდა. სასამართლომ არ დააკმაყოფილა ადვოკატების შუამდგომლობა, აღკვეთის ღონისძიების სახით პატიმრობის ნაცვლად, გირაოს შეფარდებაზე.
სასამართლომ ასევე იმსჯელა მტკიცებულებების დასაშვებობაზე, თუმცა საქმის ბოლომდე განხილვა დღეს ვერ მოესწრო და საქმეზე მოსამართლე გადაწყვეტილებას 24 იანვარს გამოაცხადებს.
ავტორი: ექსპრესნიუსი,
epn.ge (@expressnews.ge)
