„როგორ შეიძლება ეს დაესიზმროთ, რომ საკონსტიტუციო სასამართლოს ვინმე გამოიყენებს და რაიმე ტიპის გადაწყვეტილებას მიაღებინებს?“, - ასე ეხმაურება პარლამენტის  იურიდიულ საკითხთა კომიტეტის თავმჯდომარე ანრი ოხანაშვილი  ოპოზიციის ბრალდებებს ID ბარათებთან დაკავშირებით.

მისი თქმით, უნდა დაველოდოთ საკონსტიტუციო სასამართლოს გადაწყვეტილებას, რომელიც ჯერ მიღებული არ არის.

„ჩვენს მოქალაქეებს საკუთარი რწმენიდან გამომდინარე სურვილი აქვთ, რომ ისეთი ბარათი აიღონ, სადაც არ იქნება ე.წ. ჩიპი და მათ სახელმწიფო დღეს ალტერნატიულ საშუალებას ვერ სთავაზობს. საკონსტიტუციო სასამართლომ ამ ნაწილში თქვა, რომ ეს ნორმა უნდა შეჩერდეს და ამ პირებთან მიმართებაში სახელმწიფომ მათი ნების საწინააღმდეგოდ ჩიპიანი ბარათი არ უნდა გასცეს

რა წესი შემუშავდება, ეს საკითხი როგორ დარეგულირდება და საბოლოოდ საკონსტიტუციო სასამართლო რა გადაწყვეტილებას გამოიტანს, დაველოდოთ.

ძალიან მნიშვნელოვანია, რომ ელექტრონულ განვითარებას, რომელიც მსოფლიოში მიმდინარეობს, დაახლოებული ვიყოთ, რათა ჩვენს მოქალაქეებს არანაირი დაბრკოლება არ შეექმნათ მათი იდენტიფიცირების დროს. ეს პროცესი საშუალებას გვაძლევს, რომ მეზობელ ქვეყნებთან და ევროკავშირთან მარტივად იყოს შესაძლებელი პირის იდენტიფიცირება. ეს ბარათები ამას უზრუნველყოფს.

უსაფუძვლოა ოპოზიციის შფოთვა, რომ თურმე, ვინმე ამას რაღაც სხვა მიზნებისთვის იყენებს. როგორ შეიძლება ეს დაესიზმროთ, რომ საკონსტიტუციო სასამართლოს ვინმე გამოიყენებს და რაიმე ტიპის გადაწყვეტილებას მიაღებინებს? - ეს არის წარმოუდგენელი რამ.

ჩვენი ინტერესია, არჩევნებისთვის ყველაფერი ისე იყოს ორგანიზებული, რომ არც ჩვენს პარტნიორებს, არც დამკვირვებლებს და არც ოპოზიციას არანარი საფუძველი არ მივცეთ, რაიმეზე შემოგვედაონ“, - განაცხადა ანრი ოხანაშვილმა.

ცნობისთვის, საკონსტიტუციო სასამართლომ ციფრული პასპორტების წინააღმდეგ სარჩელი არსებითად განსახილველად მიიღო. აღნიშნულთან დაკავშირებით საბოლოო გადაწყვეტილების მიღებამდე შეჩერდა სადავო ნორმების მოქმედება შეჩერდა. აქედან გამომდინარე, დღეიდან, 26 დეკემბრიდან, მოქალაქეებს შეუძლიათ, თავიანთი რელიგიური შეხედულებების გამო იუსტიციის სახლს პირადობა მოსთხოვოს, რომელსაც ე.წ. „ჩიპი“ ანუ ელექტრონული მატარებელი აღარ ექნება.

როგორც ოპოზიცია ამბობს,  „ქართული ოცნება“ „უჩიპო“ პირადობის მოწმობებს არჩევნების გაყალბებისთვის გამოიყენებს.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა