2019-12-19 10:08:40, 1230 ნახვა
სამართალი
მოზარდის გარდაცვალების საქმეზე დაკავებულ გამომძიებელს, მარიანა ჩოლოიანს, ბრალს დღეს წარუდგენენ
15 წლის ლუკა სირაძის მიმართ ჩვენების იძულების ფაქტზე დაკავებულ გამომძიებელს, მარიანა ჩოლოიანს, ბრალს ოფიციალურად დღეს წარუდგენენ.
გამომძიებელი ბრალს არ აღიარებს. მისი ადვოკატების თქმით, ჩოლოიანი ამ დრომდე სამედიცინო დაწესებულებაში იმყოფება.
როგორც დაკავებულის ადვოკატი, თეონა გვაზავა აცხადებს ჩოლოიანის მხრიდან არასრულწლოვნის მიმართ იძულება, მუქარა ან სხვა უკანონო ქმედება არ განხორციელებულა.
ცნობისთვის, 15 წლის მოზარდი, რომელმაც რამდენიმე დღის წინ თვითმკვლელობა სცადა, საავადმყოფოში გარდაიცვალა. სწორედ გამომძიებლის მხრიდან ფსიქოლოგიური ძალადობა სახელდება მოზარდის მიერ თვითმკვლელობის მთავარ მიზეზად. საქმეს ამ დროისთვის სახელმწიფო ინსპექტორის სამსახური იძიებს და გამომძიებელ მარიანა ჩოლოიანი, სსკ-ის 335-ე მუხლის საფუძველზე, რაც ჩვენების მიცემის იძულებას გულისხმობს, დააკავეს.
ავტორი: ექსპრესნიუსი,
epn.ge (@expressnews.ge)
