2019-12-12 15:07:41, 2496 ნახვა
სამართალი
პარლამენტში მომხდარ ფაქტზე შსს-მ გამოძიება დაიწყო
შინაგან საქმეთა სამინისტრომ პარლამენტის სხდომათა დარბაზში გაურკვეველი ნივთიერების დასხმის ფაქტზე გამოძიება დაიწყო. აღნიშნული ინფორმაცია, „ექსპრესნიუსს“უწყებაში განუცხადეს.
უწყების ცნობით, გამოძიება სისხლის სამართლის კოდექსის 117-ე მუხლით დაიწყო, რაც ჯანმრთელობის განზრახ მძიმე დაზიანებას გულისხმობს.
ამ წუთებში, საკანონმდებლო ორგანოს სხდომათა დარბაზში შინაგან საქმეთა სამინისტროს ექსპერტ-კრიმინალისტები მუშაობენ, რომლებიც დაადგენენ თუ რა ნივთიერება დაასხეს სხდომათა დარბაზში.
შეგახსენებთ, რომ პარლამენტის პლენარულ სხდომაზე, სადაც მოსამართლეობის კანდიდატებისთვის კენჭი უნდა ეყარათ, ტექნიკური შესვენება გამოცხადდა. ირაკლი კობახიძის განცხადებით, ამის მიზეზი ოპოზიციის ორი დეპუტატია, რომლებმაც დარბაზში გარკვეული ნივთიერება შეიტანეს.
ავტორი: ექსპრესნიუსი,
epn.ge (@expressnews.ge)
