„წუხელ მამაო აღიარებითი ჩვენებით გამოცხადდა პოლიციაში და ამბობს, რომ ნარკოტიკული საშუალება არ ეკუთვნის იმ პიროვნებას და არის მისი“,-ამის შესახებ დაკავებული ბერ-მონაზონის ადვოკატმა, ჯიტა გულუამ განაცხადა.

უფლებადამცველის თქმით, მისი დაცვის ქვეს მყოფის დაკავების საფუძველი მიმალვის საფრთხის არსებობა გახდა.

„თავდაპირველად დაკავებული იქნა მალანია, რომელთან ერთადაც იმყოფებოდა მამაო, თუმცა ისინი არავის არ დახვდნენ, თან ჰქონდა ეს ჩანთა ამ პიროვნებას ვინც თავდაპირველად დააკავეს, მალანიას, რომელიც აღიარებს, რომ ეს ნარკოტიკული საშუალება, რომელიც შემდგომ ექსპერტიზის დასკვნის მიხედვით 14.5 გრამს წარმოადგენს ეკუთვნოდა მას. რაც შეეხება მამაოს, წუხელ მამაო აღიარებითი ჩვენებით გამოცხადდა პოლიციაში და ამბობს, რომ ნარკოტიკული საშუალება არ ეკუთვნის იმ პიროვნებას,ამბობს, რომ არის მისი. მიუხედავად იმისა რომ ბრალის აღიარებით გამოცხადდა, ის დააკავეს იმ საფუძვლით, რომ თითქოსდა არსებობს მიმალვის საფრთხე. რას შეეხება იმ გარემოებას, ვის ეკუთვის ნარკოტიკული საშუალება, დღეის მდგომარეობით ნამდვილად არ არის დადგენილი ნარკოტიკული საშუალების კუთვნილება რომელიმე პიროვნებისადმი. ეს გამოძიების პრეროგატივაა და ბუნებრივია ეს გაირკვევა . ამ შემთხვევაში გვაქვს ორივეს მხრიდან აღიარებითი ჩვენება“,- განაცხადა ადვოკატმა.

შეგახსენებთ, რომ ზუგდიდში, ათონის მთაზე მოღვაწე ბერი, კიდევ ერთ პირთან ერთად, დიდი ოდენობით ნარკოტიკების შეძენა-შენახვის ბრალდებით დააკავეს.

ავტორი: ექსპრესნიუსი,

სოციალური ქსელები

სახალხო დამცველმა ისაუბრა დაკავებულების გაშიშვლების, მათ შორის არასრულწლოვანთა ცემის, გაუპატიურების მუქარაზე პოლიციის მხრიდან

ყაზახეთმა და ევროკავშირმა ბრიუსელში არაერთ სტრატეგიულ დოკუმენტს მოაწერეს ხელი

სახახო დამცველმა ივანიშვილის რეჟიმის მიღებული დრაკონული და ადამიანის უფლებების შემზღუდავი კანონები გააკრიტიკა

საქართველოს ბანკის ბიზნეს 360˚-ის ფარგლებში, ქოფირაითინგის ვორკშოპი გაიმართება