2019-11-21 18:28:18, 2157 ნახვა
სამართალი
„ქართული ოცნების“ ოფისთან გამართულ საპროტესტო აქციაზე პოლიციამ მოძრაობა „შეცვალეს“ კიდევ ერთი წევრი დააკავა
ფრაქცია „ქართული ოცნების“ ოფისთან გამართულ საპროტესტო აქციაზე პოლიციამ მოძრაობა „შეცვალეს“ კიდევ ერთი წევრი, ტიტე გედენიძე დააკავა.
„ექსპრესნიუსის“ კორესპონდენტის ცნობით, პოლიციამ სამოქალაქო აქტივისტი მას შემდეგ დააკავა, რაც მან „ქართული ოცნების“ ცენტრალური ოფისის მიმდებარე ტერიტორიის კედელზე წარწერები: „შეცვალე“ და „წადი“ დაწერა.
შეგახსენებთ, საპატრულო პოლიციამ „ქართული ოცნების“ ოფისთან გამართულ საპროტესტო აქციაზე მოძრაობა „შეცვალეს“ 3 წევრი ნიკა ფარულავა, ოთო შენგელია და ბექა პაპაშვილი რამდენიმე წუთის წინ დააკავა, რომელთაც ბრალად პოლიციელისადმი დაუმორჩილებლობა და წვრილმანი ხულიგნობა ედებათ.
ავტორი: ექსპრესნიუსი,
epn.ge (@expressnews.ge)
