შინაგან საქმეთა სამინისტროს საპატრულო პოლიციის დეპარტამენტის უფროსის, ვაჟა სირაძის განცხადებით, დღეს პარლამენტთან მიმდინარე აქციაზე 5 500-მდე, რესპუბლიკის მოედანზე - 1 500-მდე, ხოლო ბათუმში გამართულ აქციაზე 50-მდე მოქალაქე იყო შეკრებილი.

როგორც სირაძემ სამინისტროში გამართულ ბრიფინგზე განაცხადა, უწყებამ აქციის მშვიდობიანად ჩატარება უზრუნველყო და რუსთაველის გამზირზე მართლწესრიგის დაცვას ამ დრომდე აგრძელებს.

მისივე თქმით, დღის განმავლობაში არც ერთი პირის დაკავება არ მომხდარა.

„შინაგან საქმეთა სამინისტრომ უზრუნველყო 17 ნოემბერს რუსთაველზე აქციის ჩატარება. მოგახსენებთ, რომ რუსთაველის მიმდებარე ტერიტორიაზე, ჩვენს ხელთ არსებული მონაცემებით, იმყოფებოდა 5 500-მდე მოქალაქე. აქცია იმართებოდა რესპუბლიკის მოედნის მიმდებარე ტერიტორიაზეც, სადაც იმყოფებოდა 1500-მდე მოქალაქე და ბათუმში აქციაზე იმყოფებოდა 50-მდე მოქალაქე. შინაგან საქმეთა სამინისტრო განაგრძობს საზოგადოებრივი წესრიგისა და მართლწესრიგის დაცვას და ასევე უზრუნველყოფს თითოეული მოქალაქის გამოხატვის თავისუფლების დაცვას.

ამ ეტაპისთვის, არავის დაკავება არ მომხდარა, აქციამ ჩაიარა მშვიდ ვითარებაში, ყოველგვარი დაკავების გარეშე. შინაგან საქმეთა სამინისტროს წარმომადგენლები იმყოფებიან ადგილზე საზოგადოებრივი წესრიგის და მართლწესრიგის დაცვის მიზნით“, - განაცხადა ვაჟა სირაძემ.

ავტორი: ექსპრესნიუსი,

სოციალური ქსელები

„გაიარე მეტი უსაფრთხოდ“ - „თეგეტა მოტორსის“ საგზაო უსაფრთხოების კამპანია სკოლებში

საქართველოში ვიზიტის შემდეგ, ევროსაბჭოს ადამიანის უფლებათა კომისარი ანგარიშს აქვეყნებს

მოემზადეთ PLUS-ის დაბადების დღისთვის - მიიღეთ 20%-იანი PLUS ქულების ქეშბექი Alta-ში DREAME-ის პროდუქციის შეძენისას

ქალი პოლიტიკოსები რუსთავის ციხესთან შეიკრიბნენ და ელენე ხოშტარიას სოლიდარობა გამოუცხადეს