პარლამენტის ფრაქცია „ქართული ოცნების“ თავმჯდომარე მამუკა მდინარაძე მიიჩნევს, რომ პროპორციული საარჩევნო სისტემის შესახებ კანონპროექტის ჩაგდება ქვეყნის იმიჯს არ აზიანებს.

როგორც მდინარაძემ აღნიშნა, მიუხედავად იმისა, რომ კანონპროექტის ინიციატორი მმართველი გუნდი იყო, გადაწყვეტილება პარლამენტმა მიიღო და ამას ყველამ პატივი უნდა სცეს.

მან ასევე ამერიკის შეერთებული შტატების განცხადებაზე გაამახვილა ყურადღება, რომელშიც ნათქვამია, რომ მიღებული გადაწყვეტილება მათთვის გულდასაწყვეტია, თუმცა აუცილებელია, მხარეებმა მშვიდად და ღირსეულად ითანამშრომლონ.

„არ მგონია, რომ როგორც ზოგადად დემოკრატიის, ასევე შიდაპარტიული დემოკრატიის ფონზე, რაიმე გადაწყვეტილების მიღება, რაც თუნდაც იმ გადაწყვეტილების აღსრულების საწინააღმდეგო იყო, რაც მიიღო „ქართულმა ოცნებამ“ რამდენიმე თვის წინ, აზიანებდეს ქვეყნის იმიჯს და ჩემთვის გასაკვირია, რატომ არ ახსენებთ გუშინდელ განცხადებას, რომელიც გამოაქვეყნა ამერიკის საელჩომ. იცით რომ არის ჩვენი მთავარი სტრატეგიული პარტნიორი ქვეყნის ოფიციალური პოზიცია, სადაც იყო აბსოლუტურად კონსტრუქციული მითითება იმაზე, რომ ჩვენ უნდა გავაგრძელოთ მშვიდობიანი, წყნარი განვითარება და უნდა ვიზრუნოთ რეფორმებზე. იცით, რომ საუბარია საარჩევნო რეფორმაზე, სასამართლო რეფორმაზე, ასარჩევია უზენაეს სასართლოში მოსამართლეები და ასე შემდეგ. ცოტა გაკვირვებას იწვევს ჩემში, რატომ არ იხსენებთ იმ განცხადებას, სადაც ძალიან კონსტრუქციული იყო ჩვენი პარტნიორი და მისი წარმომადგენლობა საქართველოში. ჩვენ თუ ძალიან გვინდა მოტყუება დავარქვათ რაღაც გადაწყვეტილების აღსრულების სხვაგვარ პროცესს, ეს ინტერპრეტირების საშუალებაა და ამ ინტერპრეტირების საშუალება თუ ესეთი სუბიექტური ინტერესი არსებობს, ყველას გაქვთ. თუმცა ჩვენ გვგონია, რომ არსებობს არგუმენტები და ფაქტები, რომელიც პარტნიორებს დაარწმუნებს, რომ ეს იყო ერთ-ერთი გადაწყვეტილება, რომელიც უმრავლესობის დიდმა ნაწილმა ასე გადაწყვიტა. დემოკრატიის ეს მიმართულება არ უნდა გადაიქცეს სპეკულაციის საშუალებად არც ქვეყნის შიგნით და არც გარეთ. არ მგონია, რომ რაღაც კატასტროფა მოხდა. ჩემთვისაც არ იყო მისაღები ეს, მაგრამ ეს გადაწყვეტილება მიიღო პარლამენტმა. აქედან გამომდინარე ჩვენ პატივი უნდა ვცეთ დემოკრატიის ხარისხს“, - განაცხადა მამუკა მდინარაძემ.

შეგახსენებთ, საკონსტიტუციო ცვლილებების კანონპროექტის ჩაგდებას ამერიკის შეერთებული შტატების კონგრესმენი ადამ კინზინგერი გამოეხმაურა და განაცხადა, რომ „საკონსტიტუციო ცვილებების ჩაგდება პუტინისთვის მირთმეული საჩუქარი იქნება“. განცხადება გაკეთდა ევროსაბჭოშიც და პარლამენტის მიერ მიღებული გადაწყვეტილება უკან გადადგმულ ნაბიჯად შეფასდა.

ავტორი: ექსპრესნიუსი,

სოციალური ქსელები

„გაიარე მეტი უსაფრთხოდ“ - „თეგეტა მოტორსის“ საგზაო უსაფრთხოების კამპანია სკოლებში

საქართველოში ვიზიტის შემდეგ, ევროსაბჭოს ადამიანის უფლებათა კომისარი ანგარიშს აქვეყნებს

მოემზადეთ PLUS-ის დაბადების დღისთვის - მიიღეთ 20%-იანი PLUS ქულების ქეშბექი Alta-ში DREAME-ის პროდუქციის შეძენისას

ქალი პოლიტიკოსები რუსთავის ციხესთან შეიკრიბნენ და ელენე ხოშტარიას სოლიდარობა გამოუცხადეს