თანამედროვე მსოფლიოსა და რეგიონული უსაფრთხოების გამოწვევები, საქართველოს ევროატლანტიკური მისწრაფებები, თავდაცვის ტრანსფორმაცია და ამ პროცესში საერთაშორისო პარტნიორებთან თანამშრომლობის მნიშვნელობა - ამ საკითხებზე გაამახვილა ყურადღება საქართველოს თავდაცვის მინისტრმა საქართველოს თავდაცვისა და უსაფრთხოების კონფერენციის (GDSC) გახსნაზე.

სიტყვით გამოსვლისას ირაკლი ღარიბაშვილმა ხაზგასმით აღნიშნა კონფერენციის მნიშვნელობა, რომელიც რეგიონული და საერთაშორისო თავდაცვისა და უსაფრთხოების თანამედროვე საკითხების განსახილველად მნიშვნელოვან პლატფორმად ჩამოყალიბდა: „ჩვენ ვცხოვრობთ ეპოქაში, რომელშიც ჩვენ მზარდ შესაძლებლობებთან ერთად   დინამიურად და მრავალმხრივ იზრდება უსაფრთხოების გამოწვევებიც, რაც,  მუდმივ ყურადღებასა და საპასუხო რეაგირებას მოითხოვს.  ვაცნობიერებთ რა, მსოფლიო დინამიკაში არსებულ მნიშვნელოვან ცვლილებებს, პასუხისმგებლობით ვეკიდებით აღნიშნულ გამოწვევებს და ვმუშაობთ, რათა გავაღრმავოთ ცნობიერება ცვალებადი გლობალური გარემოს შესახებ, რომელიც თავისთავად მოიცავს პოლიტიკურ, ეკონომიკურ და სამხედრო სფეროებს“.

თავდაცვის მინისტრის განცხადებით, უსაფრთხოების მზარდი გამოწვევების ფონზე, საქართველო  თავდაცვის ტრანსფორმაციის პროცესს განაგრძობს: „ნატოსა და ევროკავშირში გაწევრიანების გზაზე, ჩვენი სტრატეგიული პარტნიორების მხარდაჭერით, საქართველო მოწოდებულია კიდევ უფრო გააძლიეროს ტრანსფორმაციის პროცესი, რათა ჩამოვაყალიბოთ უფრო ძლიერი, უფრო ეფექტიანი თავდაცვის სისტემა, გავაძლიეროთ ოპერატიული შესაძლებლობები და მივაღწიოთ მაქსიმალურ თავსებადობას ნატოსთან, რათა დავიცვათ ჩვენი ქვეყნის ტერიტორიული მთლიანობა და შევინარჩუნოთ სუვერენიტეტი“.

საქართველოს თავდაცვის მინისტრმა სიტყვის დასასრულს კონფერენციის  ორგანიზატორებს მადლობა გადაუხადა და მონაწილეებს წარმატებები უსურვა. „მტკიცედ გვწამს, რომ ჩვენი სიძლიერე ჩვენს ერთობაშია, როგორც ქვეყნის შიგნით, ასევე საერთაშორისო პარტნიორებთან. საქართველოს  სიძლიერე მდგომარეობს აღებული ვალდებულებებისადმი ერთგულებაში, თანამიმდევრულობასა და მდგრადობაში. ერთობლივი ძალისხმევის შედეგად, მომავალი თაობებისთვის ჩვენ შევქმნით უფრო სტაბილურ და უსაფრთხო გარემოს“, - განაცხადა ირაკლი ღარიბაშვილმა.

(NS)

ავტორი: ექსპრესნიუსი,

სოციალური ქსელები

ევროპაში საბრძოლო ველზე სუპერტანკი წარადგინეს, რომელიც რობოტული კოშკურითა და დრონებითაა აღჭურვილი .

ვენსი შვეიცარიაში ირანთან მოლაპარაკებებისთვის ჩავიდა

მზია ამაღლობელი - ელენე ხოშტარიას მდგომარეობის დაიგნორება გაუჭირდებათ - მინდა მას ვუთხრა, რომ მარტო არ არის

The Observer: სტარმერმა შესაძლოა გადადგომის შესახებ ორშაბათს განაცხადოს