იუსტიციის მინისტრი თეა წულუკიანი ე.წ. საზღვართან არსებულ ვითარებას ეხმაურება და აცხადებს, რომ რუსეთი საქართველოს წინააღმდეგ მიზანმიმართულ საოკუპაციო პოლიტიკას წლებია აწარმოებს.

როგორც მინისტრმა აღნიშნა, საქართველოს ხელისუფლება ოკუპაციას მშვიდობიან, მაგრამ პრინციპულ პოლიტიკას უპირისპირებს. 

"რუსეთი მრავალი წელია აქტიურია ჩვენი სუვერენიტეტისა და ტერიტორიული მთლიანობის წინააღმდეგ. ახალი ღობეების თუ კონსტრუქციების გავლება ეტაპობრივად, მათი მხრიდან ხან როდის ხდება, ხან როდის. ეს არის მისი მიზანმიმართული საოკუპაციო პოლიტიკის გამოხატულება და პირდაპირი შედეგია, თუნდაც ატოცში ამგვარი საქმიანობის ანტიკანონიერი და ჩვენი კონსტიტუციის საწინააღმდეგო საქმიანობის, ეს შედეგია პირდაპირი თუნდაც 2008 წლის ომის. ჩვენ ოკუპაციას ვუპირისპირებთ მშვიდობიან, მაგრამ პრინციპულ პოლიტიკას. ჩვენი მთავარი პრიორიტეტი არის, რომ არ წამოვეგოთ პროვოკაციებს, ვებრძვით რა ოკუპაციას. არავის აქვს უფლება ამ ქვეყანაში დაგვავიწყდეს, რომ საოკუპაციო ხაზთან, ამ სოფლებში ცხოვრობს მშვიდობიანი მოსახლეობა და მათი უსაფრთხოების უზრუნველყოფა ხდება ჩვენი სამართალდამცავების მხრიდან და გააქტიურებულია ყველა ფორმატი.

რთული პრობლემაა, ტრაგედიაა. ეს არის ყველაზე დიდი ბოროტება ჩვენს ქვეყანაში, რასაც ოკუპაცია ჰქვია, ამიტომაც მოგვეთხოვება მაღალი ხარისხის სერიოზულობა, თანმიმდევრულობა და რაც მთავარია, პასუხისმგებლობა, რომ ერთის მხრივ ვებრძოლოთ ოკუპაციას, სანამ არ მივაღწევთ დეოკუპაციას და ეს გავაკეთოთ ისე, რომ ადგილობრივი მოსახლეობა არ აღმოჩნდეს რაიმე ტიპის რისკის ქვეშ დაყენებული და რაიმე ტიპის პროვოკაციის მსხვერპლი", - განაცხადა თეა წულუკიანმა.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

პოლონელების ხოცვა, უკრაინელების ეთნიკური წმენდა - რატომ დაუპირისპირდა ვარშავა და კიევი ერთმანეთს - ისტორიული ფაქტები

ევროპაში საბრძოლო ველზე სუპერტანკი წარადგინეს, რომელიც რობოტული კოშკურითა და დრონებითაა აღჭურვილი .

ვენსი შვეიცარიაში ირანთან მოლაპარაკებებისთვის ჩავიდა

მზია ამაღლობელი - ელენე ხოშტარიას მდგომარეობის დაიგნორება გაუჭირდებათ - მინდა მას ვუთხრა, რომ მარტო არ არის