პარლამენტის თავჯდომარე არჩილ თალაკვაძე, საპარლამენტო უმრავლესობის წევრის ვანო ზარდიაშვილის მანდატის შესაძლო დატოვებას გამოემაურა. 

მისი თქმით, დეპუტატის მანდატი არასდროს ყოფილა ზარდიაშვილისთვის მთავარი ღირებულება და თვითმიზანი. მანვე დასძინა, რომ სამომავლო გეგმებთან დაკავშირებით განცხადებას ზარდიაშვილი თავად გააკეთებს. 

"ბატონმა ვანო ზარდიაშვილმა არა ერთხელ განაცხადა, რომ თანამდებობა, დეპუტატის მანდატი არ არის მისთვის თვითმიზანი და არ არის ის მთავარი ღირებულება, რომლისთვისაც საერთოდ ჩვენი გუნდი მუშაობს. დეპუტატის მანდატი, ნებისმიერი თანამდებობაც ეს არის საშუალება, რომ საქმე გავაკეთოთ. შესაბამისად ამასთან დაკავშირებით ზედმეტი ყურადღება და აჟიოტაჟი, მისთვისაც და ჩვენთვისაც არის მიუღებელი. რაც შეეხება მის გადაწყვეტილებას, რა თქმა უნდა, მქონდა საუბარი მასთან და ვიცი, თუ რა გეგმები აქვს მას და ჩვენს თითოეულ თანაგუნდელს სამომავლოდ. ნუ გავუსწრებთ მოვლენებს წინ, ცოტახანში თქვენ გეცოდინებათ უფრო მეტი და ალბათ უპრიანია, რომ ამასთან დაკავშირებით თავად ბატონმა ზარდიაშვილმა ისაუბროს", - განუცხადა თალაკვაძემ. 

შეგახსენებთ, რომ გავრცელებული ინფორმაციით, შესაძლოა ვანო ზარდიაშვილმა დეპუტატის მანდატი დატოვოს.
 
 

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია