ხვალ სამოქალაქო საზოგადოება „სირცხვილია“ აქციაზე ერთწლიან გეგმას წარმოადგენს, - ამის შესახებ სამოქალაქო აქტივისტმა შოთა დიღმელაშვილმა დღეს გამართულ ბრიფინგზე განაცხადა.

როგორც დიღმელაშვილმა აღნიშნა, გეგმა მიმართულია იმისკენ, 2020 წელს ქართულმა საზოგადოებამ პროდასავლური არჩევანი გააკეთოს.

„სამოქალაქო კამპანია „სირცხვილიას“ გვაქვს დაგეგმილი დიდი აქცია „ერთად ერთის წინააღმდეგ“ არის ამ აქციის სლოგანი, რაც იმას ნიშნავს, რომ ხალხი გაერთიანდება ერთმმართველობის წინააღმდეგ და იმ დიდი მონაპოვარის უზრუნველყოფისთვის, პროპორციული არჩევნების, რომელიც უზრუნველყოფს იმას, რომ ამ ქვეყანაში ერთმმართველობა აღარ იყოს. ეს არის ამ აქციების უდიდესი მონაპოვარი. ამის გარდა, რაც ამ დღეს მოხდება, ჩვენ წარვადგენთ ერთწლიან გეგმას, რომელიც მოიცავს შესაძლებლობას, რომ სამოქალაქო საზოგადოებამ დააკორდინიროს პროდასავლური პოლიტიკური კლასი და ამას გარდა ის მოიცავს, როგორც საინფორმაციო ნაწილს, ანუ ცნობიერების ამაღლების ნაწილს, ისე ძველ, კარგ აქტივისტურ ნაწილს, რომლის დეტალურ გეგმასაც ხვალ გაგაცნობთ და ამას გარდა მნიშვნელოვანია ისიც, რომ მთელი აქტივობა რასაც სამოქალაქო საზოგადოება გააკეთებს ქვეყნის სამსახურში ხვალ ყველანი ჩავდგებით მასობრივ ფორმატში, 19:00 საათზე, როგორც ცენტრალური ხელისუფლების წინააღმდეგ, ისე ადგილობრივი ჯგუფების გასაძლიერებლად და რეგიონული მმართველობების წინააღმდეგ. საბოლოო ჯამში მიმართული იმისკენ, რომ 2020 წელს ქართულმა საზოგადოებამ გააკეთოს პროდასავლური არჩევანი და პრორუსული ხელისუფლება მოიშოროს ინფორმირებული, პროპროციული არჩევნების გზით“, - განაცხადა შოთა დიღმელაშვილმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს